اشحالكم خــواتي الغاليات …
واشحال عيالكم .. عساهم دوووم بخير وصحه وعاافيه يا رب …
أٌقولكم خلوني أبدا بالســالفه وبــليز لا تبخلون علي بحل يريحني …؟
عندي ولد الله يحفظه عمره سنه و 10 شهور .. يعني قريب السنتين ..
المهم ولدي الله يحفظه أوديه الحضانه لاني أروح الدوام الصبح ….
وطبعا أوديه قبل لا أروح الساعه 7 وأرجع له الساعه 3 بعد دوامي ..
علشان جذه لازم أسوله ثلاث وجبات .. وجبه الفطور و وجبه الغداء و وجبه خفيفه ( سناك ) ..
وجبه الفطور : دااااااايما نفس الشي ( معلبات الفواكه الخاصه بالاطفال + شريحه جبن + لبن )
وجبه السناك : بسكويت + دانيت أو كاسترد + فاكهه وداايما ما ياكلها …!
وجبه الغداء : يا معكرونه بالجبن أو نودلز بالجبن أو نقانق أو كباب …. مع عصــير … فقط لااا غير
أسويله رز ما ياكله .. خبز وجبن ما ياكله … معكرونه بلحم مفروم ما ياكلها .. فطاير ما ياكلها .. الصمون ما ياكله …
خضروات ما ياكلها ….
يحب الشوربات بس صعبه طبعا اني أسويله شوربه ,,, أخاف تنسكب في الشنطه ماله .. وبعدين أصلا بتبرد لين يشربها وما بيرضي يشربها ( أعرفه ما يحب الشي البارد ) …!!
بليز شو تنصحوني أسويله ؟؟؟ بس أبا شي سريع وأقدر أطبخه له الصبح قبل لا أروح للدوام .. لاني أجهز شنطته بالليل لكن الاكل طبعا اجهزه الصبح …
أبا أجدد وأغير له اشوي علشان ما يمل من الاكل لانه صاير ما يخلص أكله .. بس ياكل اشوي منه وبس ..
لا تبخلون علي بوصفاتكم الشهيه والمغــذيـه …
للعلم البيض و البطاطا ممنوعين في الحضانه ..
وربي لا يحرمني منكم …
13 وحده دخلوا الموضوع وما في ولا رد واااحد ؟؟؟
حطيله خيار
سويله كريمه مع بسكويت
حطيله مكسرات مشكل أو النوع الي يحبه
حطي لبن أو حليب بارد أو روب عادي أو روب بالفواكه
جربتي النقانق والمرتديلا
جربي سليس ادهنيه بنوتيلا
مادام يحب الفطاير نوعيلة وبعدين سويه من فليل اكثر من نوع جييه بتكسبين وقت الصبح ممكن وجبه السناك اتسويله سليس او صمون بكاكاو نوتيلا نوعي المشروبات والله انا صراحة انكسر خاطري على الولد والله يعينج فدييته من 7 لين 3 وايد والله الله يفرجها عليج
الله يخليلج هالولد ويفرحج فيه ,,
حبيبتي سويله مضروبه (عيش ودياي )وحطيه في طبقه صغيره
سويله بطاط مهروس وياجبن وفلفل اسود (شووويه)
فريد …
سباجيتي (يحبونها اليهال )
سويله الشوربات اللي يحبها وحطيها في دله صغيره ووياها كوب صغير للشوربه .
روب بالفواكه ..
ولدي مثل ولدج مووووووول ما ياكل ويموت عالسوائل والشوربات ..
الله يحفظهم ويبارك فيهم .
المشاركة الأصلية كتبت بواسطة ظبية الامارات 
سويله كريمه مع بسكويت
حطيله مكسرات مشكل أو النوع الي يحبه
حطي لبن أو حليب بارد أو روب عادي أو روب بالفواكه
جربتي النقانق والمرتديلا
للأسف ولدي ما ياكل الخيار ….
والكريمه مع البسكويت .. شقايل يعني ؟؟؟ كريمه دريم ويب قصدج ؟؟؟؟
وفعلا بجرب المكسرات تراه يحبها ..
و أحط له لبن وحليب و روب هالسوالف عادي عنده …
والنانق والمرتديلا عادي بعد يحبهم … وأحط له منهم …
تسـلمين فديتج على ردج الله يعافيج ما قصرتي ….