السلام عليكم و رحمة الله و بركاته …. انا واحده من الناس طلع عيني في الخلطات و التجارب و طبعا فرد الشعر كيميائيا ( و على فكره فرد الشعر كيميائيا كنت بحتاجه كل 3 شهور و نص و ده اكبر مصيبه ليه لان الجذور كانت بتظهر و شكلها وحش اوي مقارنة مع الشعر المفرود سابقا ) و فكرت اني اعمل شعري كيراتين او بروتين او كولاجين في الصالون و كنت متردده اعمله لسعره العالي بس قررت قولت ما بيدهاش لان شعر المرأه تاج راسها و كان شعري بيتساقط بشكل رهيب المهم جيت اشوف التجارب شوفت ناس بيحذروا من الكيراتين و من البروتين في صالونات كتير لانها بتكون مغشوشه الخلاصه معلش انا طولت عليكم بس بجد فرحانه اوي بالاكتشاف ده انا بتناول ( الكولاجين البودره ) لاني سمعت انه مفيد للشعر و للبشره و للجسم عموما فقولت ففي مره قولت طيب اجرب احطه في الزيوت اللي بستخدمها كحمام زيت لقيت النتيجه و الله من اول مره تحففففففففه و كمان رجعت جربته مع حمام الكريم اللي هو بعد غسل الشعر بالشامبو حطيت معلقه او معلقه و نص و قلبتهم و حطيته على شعري بعد غسله بالشامبو النتيجه كانت اروع و اروع و صحيح بعد غسله انا بلفه طاقيه او دوامه مش عارفه هتعرفوها و لا لأ بس النتيجه بتكون مرضيه جدا في النهايه … بالنسبه للكولاجين البودره موجود في اي صيدليه انا كنت بدور على نوع معين لشركه معينه لكن لقيت نوع تاني قولت ما يضرش يعني الخلاصه اي نوع كولاجين بوده ممتااااااااز … و ما تنسونيش من دعوه حلوه في ظهر الغيب و يارب الكل يستفاد ان شاء الله و اسفه ع الاطاله بس بحب اوضح اي حاجه تفيدني بكل التفاصيل و ادقها و جربوا و ياريت تقولولي على النتيجه
من متى جربتيه الغلا
وهل جفتي تساقط لأن مايبين من البداية يباله فترة
المشاركة الأصلية كتبت بواسطة المعآني 
وهل جفتي تساقط لأن مايبين من البداية يباله فترة
حبيبتي انا بدأت تناول بودرة الكولاجين تقريبا من شهر و نص و للحقيقه ما شفتش نتيجه ملحوظه ان كان للبشره او الشعر انما بداية وضع بودرة الكولاجين على ماسك الزيوت او حمام الكريم ده بداته تقريبا من اسبوعين او اقل و المفاجاه بالنسبه ليه ان النتيجه من أول استعمال و النتيجه الملحوظه هي النعومه لكن الحقيقه بالنسبه للتساقط زي ما هو بس هل هيقف التساقط بعد فتره اطول من استخدامه كماسك دي انا مش عرفاها و هتبان مع الوقت ان شاء الله و لو فيه جديد هضيفه هنا للافاده
رااااااااااااااااااااااااااائع
المشاركة الأصلية كتبت بواسطة سماءالأفق انتي الاروع تسلمي يا قلبي
يزاج الله خير حبيبتي عالافاده ،،
المشاركة الأصلية كتبت بواسطة Yazi.90 جزانا و اياكي يا حبيبتي و ان شاء الله تكون بفايده للجميع