سباجيتي ام عبادي بسيط ولذييييييييذ

اليوم حابه اقدم لكم طبق بسيط وحلو وماياخد منج وقت ولذيييذ

انا عاد كنت صايمه ويوعانه هههههه

قلت خل اصور الطريقه للبنات دامني فاضيه

يالله اخليكم مع المقادير والطريقه ويربوها مابتدمون صقوني يمي يمي

المقادير

[/URL]

كيلو دياي مفروم الروضه نظيف ومافيه ريحه والي تبا باللحم كيفها بس انا ما احب اللحم وايد

[/URL]

صلصة لاكنور حبه كامله هذا احسن نوع جربته طعم ولون

حبتين ماجي وحده تحطينها حق المكرونه يوم تفور وحبه حق الخلطه

وكرتون مكرونه بعد افضل هالماركه الايطاليه لانها ما تتلزق وفنانه وملح طبعا

[/URL]
واضحه الصوره

3 حبات طماطم او حسب الرغبه وهي احلى كل مازدتي الطماط

بصل حسب الرغبه وثوم

[/URL]

البهارات حسب الرغبه كل شي عندي حسب الرغبه خخخخ

هالماركة من البهارات وايد حلوه وبزار طبعا عربي

كركم وفلفل اسود وفلفل احمر طشووووووونه لانه حاار والي تبا حار تزيد عادي

[/URL]
جبنة موزيريلا كرافت رووعه هذي بنزين فيها الصحن اخر شي وتعطي طعم رهييييييييييب

بتدي الطريقة بسم الله

[/URL]
لا تضحكون على الملاس خخخ هالي طلع بويهي ههه صايمه لا تلوموني

طبعا عارفين الخلطه كيف نبتدي نحمص البصل

[/URL]

وبنفس الوقت نفور المكرونه طبعا نحطها بدون مانكسرها لمدة 10 دقايق تقريبا او 12 وبعدين تصفينها طبعا لاتنسون تحطون شوية زيت وملح وحبة ماجي

[/URL]

هني حمرنا البصل والحين بنحط فوقه الدياي

[/URL]

نحط الدياي المفروم ونقلب وبعد شوي بنحط البهار والثوم والطماط

[/URL]

المعكرونه جاهزه

[/URL]

حطينا البهارات ونقلبها شوي لين ينضج الدياي

[/URL]

حطينا الطماط والثوم والماجي ونخله لين يذوب الطماط مع التحريك على نار وسط طبعا

[/URL]

اخر شي تحطين البهار العربي

[/URL]

نحط الصلصه ونحركها عشان ماتطلع حامضه

[/URL]
نص كوب ماي تقريبا لان نبا الخلطه سميكه احلى ونحط ملح طبعا لان حبة ماجي وحده ماتكفي

ونخلها 5 دقايق تقريبا على نار هاديه

وبالاخير زينا الصحن بالجبن طلعت ريحتها جنان والطعم ولا احلى

طبعا هذا تمر القصيم ما استغنى عنه بالفطور او الغدا او العشا ههههه هذا احلى تمر دقته بصراحه

شكلي سويت دعايه حق وايد اغراض

يالله بالعافيه عليا وإن شاء الله تجربوها وتخبرونا

سلاااااااااااام