السلام عليكم ورحمة الله وبركاته
شحااالكم يعلكم بخيررر
حبايبي انا حامل ولله الحمد في الشهر الثالث بس عندي مشكله
اللي هي الماي
انا والماي اعدااااء
من بديت اتوحم وانا كارهتنه ومن اشربه ازوع ولا اتم جبدي لايعه
اشربه شوي يوم اخذ الدواء بس يمكن حجم فنجان قهوه ومرتين فاليوم
انا اعرف ان الحامل تحتاج سوائل بس والله واايد اتعب يوم اشرب
بليييز ساعدوني اخاف هالشي ياثر ع البيبي ولا عليه
ساعدني جزاكم الله الف خير
للرفع
كللللللللللللللللنا جي.. انا من بداية حملي لين يمكن الشهر السادس.. انا لحين في الشهر السابع
ساعات لمن اشرب تلوع جبدي بعد.. اانا حتى كرهت السبوح ببداية شهووري.. والله الوحام صعب
اتحملي وصبري .. لين تمر الشهور وتخوز عنج اللوعهـ..
اللهمّ لآتُعلق قلبـيْ بمآ ليس لي و أجعل لي فيمآ أحِب نصيب !
الماي ضروري للحامل
بس ان شالله وحامج يخف في الشهر الرابع
انا احينه في التاسع والدكتوره حاشرتي كثري من الماي(:
الله يعينج حبيبتي حاسه فيج..شي ناس مول مايحبون الماي ويكرهونه..بس انتي عوضي بالعصاير او اي شي ثاني لان صعبه ماتشربين الماي لاسمح الله ممكن يصيبج جفاف..والجفاف والله متعب وقت الحمل وان سرتي المستشفى وجافو فيج جفاف تحلمين يطلعونج بيرقدونج عندهم وبتعانين من المغذيات بيخبقون ايدج..ويلسة المستشفى هاي بروحها مرض انا فحملي الاول كنت جي وماداني اشرب ماي وكلما شربت رجعت بس صابني جفاف الله يعزج حتى التفال فحلجي ماداني ابلعه يسويلي لوعه
بس فهالحمل لو ارجع بعد اشرب ماي ما اودر الماي..قمت اخاف من الجفاف…لان الجفاف خطر ع الحامل..
توني شربت كوب شفطه شفطه
الله يعيني ويعيين الجميع
وجزاكن الله خير والله اييسر اموركن