السلام عليكم
خواتي بغيت نصيحتكم و شوركم،،
صار لي مالجه تقريبا شهر و أكلم زوجي تقريبا مرتين أو ثلاث باليوم و أشوفه مرة أو مرتين بالاسبوع، المشكلة إني أستحي أمدحه و أقوله كلمات مثل حبيبي و حياتي و عمري.. هو دايما يقولي حبيبتي و الغالية و يمدحني ف كل شي، أنا ممكن أكتب له هالكلمات فمسج بس إني أقوله بالتيلفون أو بوجهه أحسها واااايد صعبه..
نصحوني كيف ممكن أبعد الخجل عني فهالشي لأني خاطري أقوله عن حبي له بس أستحي و هو بدى يلمح فهالموضوع؟؟
عادي حبيبتي .. لازم في بداية الملجة ريال لا تعرفينه ولا يعرفج .. لازم بتستحين ..
بس مع الأيام ان شاء الله بتتعودين … انتي حاولي شوي شوي *_^
قولي الكلمة وغيري السالفه بسرعه هههههههههه
وشوي شوي بتتعودين ان شاء الله .. لا تحاتين ..
الله يسعدكم ويوفقكم ياا رب ^_^
ممممممم… والله حاسه فيج صعبه اول مره
لكن تجرأي وقوليها أول مره
صدقيني بتتعودين.. وعقب بيستوي الموضوع عاادي
ترى الرياييل يتخبلوون ع الحرمه اللي تدلعهم وتقولهم هالكلااام
الله يوفقكم 
في حل بس لاتضحكييين اقفي عند المرايه وقولي هالكلمات
وعقب من اترمسينه بتشوفين الكلمات بروحه بتطلع عن تجربه يااختي
ولاتستحيين عودي عمرج ع هاي السوالف لانه رياييل يحبون الدلع
عادي حبيبتي انا وياج مالجه من شهر وشوي تقريبا
في البدايه كنت احسها واااايد صعبه
بس الحين اتعودت عليه
انتي شوي شوي بتتعودين عليه
اول شيء بديت بالمسجات
حتى لين الحين استحي اقول احبك
اقولها بصوت واطي في التلفون
حتى جدامه نفس الشي بس اقولها
الله يتمم لنا على خير
ويسخرهم لنا ويسخرنا لهم امين
صح انج بتستحين بس بعدين بتتعودين على الكلام……
انشاءالله البنات فادوج ……….
عـــيـــمـــيـــه دبــــــــــــــي
راح تتعودين مع الايام