انا عمري 23 متخرجة من سنتين وزاد وزني خلال هذه الفترة من 53 الى 65 وطولي 150 سم مع العلم ان السمنة متركزة في منطقة الارداف والبطن والفخدين يااااريت تساعدوني وادعيلكم
كنج ترمسين عني 000 اول ما تخرجت ويلست فالبيت زدت من 55 الى 65 000 تلاحقي عمرج عن يزيد 00 وكثري حركة ورياضة 00 في الحركة بركة 00
الغالية انا نفس الشي بس كنت مسوية حساب هالموضوع و نزلت من 50 الى 46 كيلو ولو اني ضعفت بزييااادة
نصيحة الغالية لازم تحافظين على وجبة الافطار لانها تحرق السعرات الحرارية و تحسن من عملية الهضم، ابتعدي عن الخبز او (الصمون) هذا من صدق يخرب الجسم، و لا تغديتي لا تاكلين بايدج العيش كلي بالخاشوقة لانه يوم تاكلين بايدج تاخذين ضعف الكمية اللي بتاخذها الخاشوقة، كلي يلين تشبعين بس حتى لا شبعتي الكمية اللي كلتيها نص الكمية اللي خذتيها بايدج،لا تجلسين وايد نظفي حجرتج، سيري المطبخ امشي سوي شي، و لا ترقدين لوقت متأخر
انا كنت اسوي كل اللي كتبتلج اياه و نقص وزني و من غير ما اقصد 