السلام عليكم خواتي
اشحالكن ؟؟ طبعا انا ماتشجعت وكتبت الا عقب ماشفت تفاعلكم اللي يشرف ويبرد ع الخاطر
انا صار لي 4 شهور مخطوبة واللي خاطبني اكبر مني ب 7 سنين ومطلق بس ماعنده عيال الحلو اللي فيه انه شخصيته قوية احس انه ورايه ريالبس مشكلته انه جاف لدرجه فضيعه وعادي عنده لو مارمسني ايام حتى يوم اشوفه يكون وايد بارد ماعرف كيف اشيل هالبرود وكله يبا يصك عني ماوده ارمسه ماعرف كيف خذاني
جربت كل شي وياه ومانفع دلوني شو الحل هل افسخ الخطوبة ولا اتحمل ولو تجملت لي متى ؟؟؟
اختي ما فيها شي طبع الريال جيه شو بتسوين بس بعد الزواج غير
بس انصحج لا تفسين الخطوبه عشان هالسبب
مثلا انا ريلي اعرف انه يحبني بس ابد ما يجامل بارد
قبل لا اييب عيال كان عادي عنده ايلس عند هلي شهر بس الحمد لله على كل حال
والحينه هو مسافر كل شوي يتصل يسأل عنا ويقول ياليتني شليتج ويايه بس انا ما ابا اسير
وبالنسبه لي احسن لا ترمسينه وايد لانها الصراحه مرات تستوي وايد مشاكل يكون اخرها الطلاق
انتي بس سوي طاف هو بيرد يرمسج وتوكلي على الله
اولا جاوبي على سؤالي عقب برد عليج
هو مالج عليج ولا خطوبة لأن اذا خطوووووبة حرااااااااااااااااام يكلمج وتكلمينه
اختيه انزين حسسيه انج ماتروومين تتخلين عنه عسبة هووووووووو يتعلق فيج يعني دقيله نص الليل اونه ياااج حلم مزعج وانتي خااايفه يعني سوالف المكر والدلعي عليه وخليه كل ليه على هالموال انج خايفه لا يراودج الحلم الكااابوس خخخخخخخخخ وجي بحركات الخبث بتعيبه السالفه كل ليله هو بيدق هههههههههههه جربي عاد وطمنينا اما فكرت فج الخطووبه انسي على فكره وحده جي سوت ونفعها والله ههههههههههه
عادي حبوبه في نوع من الريايل جيه وايد جافين مايعرفون كيف يطلعون حبهم للحرمه لانه يعتبر هالشي عيب او يكسر رجولته . حبيبتي اختى كانت تشتكي جيه وهو اكبر عنها اب 10 سنين تقريبا عقب العرس كل شي يتغير !!
الله يوفقج ولا تفكرين واتوسوسين
صح اذا خطوبه ماترمسون وايد الافضل بس لو ملجه فهاي مشكله
وعلى سالفتج فاتحيه بالموضوع عشان مايتعود على هالحاله
ويمكن هو ماكان يبى يتزوج من بعد طلاقه او جف مشاعره بالحريم ويأس
بس كل شي بالحب والطيبه تنحل ان شاءالله ومثل ماقلت لج فاتحيه لاتكبر السالفه بس فاتحيه باسلوب سلس مب ضرابه ومشاكل
وان شاءالله تنحل مشاكلكم
وترا الحب مايحلى الا بمعاناته ومشاكله
حطي في بالج اولا واخيرا ان معظم الريياييل جذي،، حتى لو كان رومانسي و24 ساعة يكلمج عقب العرس ما بيكون جي،، يمكن بس في البداية،، على الأقل هذا من البداية انتي عرفتي انه جي،، مب اتعيشين احلام وردية اام الخطوبة وعقب العرس تنصدمين،، والله بتكتئبين عقب،،
ثانيا عزيزتي إذا هو ريال وما يعيبه إلا اللي قلتي عنه حرام تفصخين الخطوبة،، بس حاولي اتحسسينه بحاجتج للحب والحنان،، وان شالله يتغير،،
وبعد لا تنسين انه خارج من تجربة الله العالم كيف كانت علاقة زوجته فيه،، يمكن هي السبب في برودة وجفافه فاعذريه وحاولي انتي اتغيرينه،، بس لا اتمين اتحنين واتزنين وايد،، يعني بين فترة وفترة حسسي بحاجتج لحبه وانج تخليتي عن اهلج وانه الحين هو بيكون اهلجج كلهم،، سوالف ودلع يعني،،
والله يوفقكم ان شالله ،،