السلام عليكم ورحمة الله وبركاته
جيييييييف الحال؟؟؟
انا وريلي كان خاطرنا نسير النمسا السنة بس الله مب كاتب
احسها وااايد غاليه وميزانية ريلي الحالية ما تسمح يعني ان شاء الله السنة اليايه اذا الله راد
لانه سار العمره وصرف بيزاته فاشياء ثانيه،،
المهم
بسالكن هييه غاليه ولا،، نحن لو بنسير نبا نحجز عن طريق شركة سياحيه كل شي،،
من خلال المواضيع احس الكل يستاجر سيارة بس ريلي ما يبا يقولي نحن فغربة ما فيه وانا ما ادل شي
انزين اقترحوا عليه مكان ثاني،،
سويسرا مب داشة مخه،، سنغافورة ما يبا،، نيوزيلاندا ما عيبته،،
ما ابا دول اوروبية،، ابا مكان فيه خضرة وحلوة يعني شرات ماليزيا
{ .. شراأاأايج بألماانيا .. }
مرحبا اختي بخصوص النمسا لو كانت غاليه تقدرون تستأجرون سياره أرخص لكم، وإذا مايدل
ياخذ له خارطه أو النفقيتر تقدرون تشترونه من الامارات، وتمشون عليه …
ومب شرط اتطولون في السفره …
وإذ حبيتي دوله ثانيه شوفي تركيا يمدحونها …
ألمانيا تراها وايد حلوة واذا ماعندكم عيال روحو جزر المالديف ترى وايد حلوووووووووووة روعة عليها شوية
تدرين اعرف وحده من الاهل سارت النمسا + ميونخ الصيف الي طاف لمدة اسبوعين هي و ريلها و لفو كل مكان … و كلفتهم للشخص الواحد 10 الاف بس .. يعني هم الاثنين 20 الف .. ها حق المواصلات و التذاكر و السكن … و الفنادق حلوة بعد مب اي شي …. شي وايد عروض في الصيف حق وايد من المكاتب السياحية .. و حتى ترومين تحجزين بروحج بس بما انكم ما جد حجزتوا بروحكم بصعبه لازم حد يساعدكم ..
و عن الاقتراحات الثانية شي وايد دول حلوة و رخيصه و طبيعتها تجنن .. مثلا عندج الهند روعه و فيها اماكن تجننن .. مثل بنغلور و ميسور و كيرلا … و عندج سيريلانكا .. و عندج كوريا …….. و عندج بعد التشيك ..
و ممممممم يعني .. اي دولة غاليه تستوي رخيصه اذا دورتي السكن المناسب و المطاعم المناسبه
شووفوا شركات السيااحه عندهم عرووض .. و الله ايسر لكم السفره 
النمسا أرخص عن سويسرا و مب غالية واايد بس اذا عرفتي ترتبين جدولج و تحجزين من وقت عسب توفرين الميزانية =)
تذاكر ميونخ على الإتحاد حالياً حق شهر 7 على 2350 درهم تقريباً او اقل شوي يعني حق شخصين في حدود 4700 درهم
السكن لمدة اسبوعين اقدر احصلج سكن نظيف و مناسب و المجموع اقل عن 10000 درهم
يعني لين الحين التذاكر و السكن تقريباً 15000 درهم
المصروف يعتمد عليكم بالإضافة للشوبينغ يعني إذا بتقتصدون ما بتحتاجون أكثر عن 5000 درهم و انتو مستانسين بعد ^_^
في هالحالة الرحلة كلها ما بتكلفكم اكثر عن 20 الف درهم و انا مستعده احجزلج كل شي اذا تبغين
طبعاً هذا مجرد اقتراح و اذا مالج خاطر في النمسا عندج تركيا حلوة و أسعارها مناسبة (طبعاً مب احلى عن النمسا) و عندج الهند فيها مناطق طبيعية تجنن بس مب متطورة يعني فقط طبيعة لا غير و عندج تايلند بعد أسعارها رخيصة و فيها مناطق طبيعية و جزر حلوة بس اجوائها استوائية يعني حارة نوعاً ما مب شرات النمسا ..
و السموحة على القصور ^.^