السلام عليكم كروشات شخباركم علومكم عساكم مرتاحين ^_^
بغيت استفسر أنا شريت المشد الأندونيسي بس خبروني كيف طريقة لبسه لأني ما اعرف ؟ و معقول إذا لبسته عقب الربى ما يسببلي ضيق باليلسه أو ضغط غير مستحب ؟ اتمنى فهمتوا علي..
أنا باقيلي اسبوع عن موعد ولادتي و للحين صامده هههه الحمدلله ع كل حال ، قبل يومين دكتورتي سوتلي فحص داخلي مفتوح 1 سم و من عقبها بدت تنزل علي سدادة العنق ( نفس الافرازات البنيه فيها خيوط دم ) هذا شكله نزل بسبب الفحص الداخلي ، و لا انتو شرايكم ؟ و هل يدل على قرب الولادة ؟
شو رايكم بالحلتيت ( الخيله ) لفتح الرحم و كيف استخدمه ؟؟
الله يوفقكم و يسعدكم يا ليت تفيدوني
هلا اختي
الله يسهل عليج يارب وتولدين بالسلامه
انا بخبرج عن تجربتي وكل وحده طبعا غير عن الثانيه
انا الدكتوره من بعد ما جيكت وسوت لي تحفيز تمت تنزلي افرازات ويا دم وعقب التحفيز ب ٣ ايام ربيت
وبالنسبه للخيله انا استعملتها عقب التحفيز بيوم و جان ينزل علي الماي اليوم الثاني ونفس يوم الولاده يوم اللي قالوا الرحم نفس ماهو ما فتح زياده تميت اشمها وتمت تفتح النفس عندي
طريقتها نقعيها في غرشه ماي وتمي شمي كل شوي
والله يسهل عليج يارب
الله يسهل عليج ويقومج بسلامه
الله يسهلها عليج
انا مع الفحص الداخلي والتحفيز ربيت ثاني يوم …
وبنت خالي نفسي
بالنسبة لي
نزلت السدادة بدون تحفيز او شي عقب المغرب
وثاني يوم ربيت العصر
والله يسهل عليج وعلى كل حامل يارب
والله ماعندي فكرة بس أنا لما نزلي دم وياني ويع فوقه وفوقه وتميت 10ساعات وربيت بس اللي أخرني الرأس موراضي يدور كان جهة اليمين بس الله لطف بحالتي وبالدعاء ولف آخر دقايق وتخلصت الحمدلله ..الله يسهل ولادتجويسهل ولادتي هالمرة آآآآآآآآآآآآآآآآآآمين
الله يسهل ولادتج يارب
انا نفس الشي تبطلت السدادة يوم كنت حامل وفحصتني الدكتورة وكان مفتوح 2 سم وبعد اسبوع ربيت
نصيحة لا تشربين شي وخلج على المشي نص ساعة بس