ساعدوني ماعرف اطبخ العيش :(

مع التكرار بتتعلمين شو الاخطاء الي تسوينها

بوابة الهندومحمدي الأفضل

وبالهنا

العيش اللى حبته طويل ويكون هندى اهو النوع الزين ….العيش الابيض الشخول ..تغسلين الكميه اللى تبينها ما تفركين العيش وقت الغسيل بس اتقلبينه علشان ما يتكسر ولازم الماي يكون بارد لانه الماي الحار يكسر الحبه وبعدين تنقعين العيش فى ماي مع ملعقه ملح وتتركينه على الاقل ساعه تحطين ماى فى الجدر وتخلينه على النار من يطبخ الماي تحطين قياس الملح اللي تبينه وتحطين العيش وخلى النار حاميه علشان العيش يصير نثرى ومن تصير الحبه نص سوا تشخلين العيش وتصبين على العيش ماي بارد علشان ما يعجن مع حرارة الماي وتحطين فى قاعة الجدر زيت ومن يصير حار تحطين العيش عليه وتصبين اشويه زيت على الوجه وتغطينه وتخلينه على نار هاديه لمدة 20 دقيقه وقبل ما تحطين العيش فى الصحن قبل العيش وهو بالجدر علشان حباته تفلل وبالعافيه

بالتوفيق اختي بارك الله لكي

السلام عليكم
بوابة الهند كنت أستخدمه ممتاز وحبته طويلة..البسمتي بشكل عام تنقعيه في ماي عادي (مو حار) ربع أو نص ساعة على الأقل إذا أكثر ما بيصير شي..كل كوب أرز يحتاج كوبين ماء، خلي كوبين ماي على نار عالية حتى الغليان ، بعد ما يغلي ظيفي ملح وشوية زيت عسب لا يلصق العيش في بعضه، شلي العيش من ماي النقع وعلى طول حطيه في الماي المغلي وحركيه شوي، يوم يخف الماي ويصير بمستوى الأرز خففي الحرارة لأقصى حد ممكن وغطيه وخليه حوالي 15-30 دقيقة، وادعيلي، حاليا أستخدم سنارة العيار كل كوب أرز يحتاج كوبين إلا ربع ماء..وبالتجربة مثل ما قالت الأخت تتوصلين للطريقة المثالية..صحيح بعد نقع الأرز إذا شلتيه من الماي لا تخليه فترة طويلة بدون ماي وإلا بيتكسر، على طول عالطبخ

تسلموون خواتي على المساعدة ^.^

يزاكم الله خير