اخواتي نحن نبني بيت يديد اباكن تساعدني في اختار الارضيات المناسبة للمجالس والصالات والممرات وغرف النوم والمطبخ واكرمتن الحمامات
طبعا انا وريلي ماعندنا خبره ولاتعرف وين نحط الرخام ووين نحط جرانيت ووين نحط سيراميك وشو الموديلات ادارجه من حيث بلد الصنع
بتقولون لفوا المحلات وبتعرفون ,, والله يابنات ريلي ماعنده وقت ابد واللحين مب وقت الاختيار بس وقت كتابة العقد ويا المقاول
واباكن تخبرني شو الموديلات الدارجة في الادوات الصحية للحمامات الله يكرمكم من مغاسل ومسابح وغيره
يا بنات اليوم الجمعه ولكن مني دعوه صادقه انك تتعاون ويايه لاني وايد محتاره وباجر موعدنا ويا المقاول بخصوص هالموضوع
هلا فيج اختي دايما اتبعي حسج الخاص و ان شاء الله بيطلع بيتج عسل ^_^
حاولي اختي انج تبتعدين اتحطين سيراميك في الغرف الخاصة عشان البرد وايد بتبردون
ركزي السيراميك ايكون في الصالة و الممرات …
ورو حي الشارجة هناك بتحصلين كل الي تبينه اختي
بس هناك تقدرين تشترين بس ما اظني ايركبون
اتذكر ابوى قال الرخام اظن للممرات والصالات عشان التحمل..والغرف سيراميك بس اللي يبى يفرش عقب كيفه
تسلمين فديتج وان شاء الله باخذ بنصيحتج ولا بحط سيراميك في غرفة النوم شو تحسين احسن الجرانيت او الرخام
وصعب عليه اروح الشارجه نحن نبني في بوظبي
بس شو احسن شركة او مصنع للسيراميك وتتوقعون السيراميك الاسباني افخم شيء؟؟؟؟؟؟؟؟؟
عندج سري الدين عندة سيراميل وبورسلان اسباني وايطالي والمطابخ اشكال حلوه
وعندج بشارع النجدة ساره وصوب سناء فيه كذا محل
وانا عن نفسي انصحج انج تحطين بورسلان بكل الغرف وما انصحج بالفرش للغرف لانه الفراش ايييييييب الربو
اتمنى اني افدج حبوبه
لا تنسيني بدعوه طيبه لي ولوالدي وزوجي واولادي طماعة شو اسوي سامحيني