أنا رحت البارحه وسويت فحص لعمليه الليزك فالمستشفى البريطاني في دبي
الكل يمدحه وحرمت اخوي مسويه هناك
المشكله أنا باجي على عرسي شهرين 10 و11 والثلاثاء بسويها
هل يأثر على النظر هل بتم لين فتره عرسي أعاني من الضباب ولاكيف خايفه أسويها مع أن الدكتور طمني بس أنا خايفه لأنه قال أن سمك القرنيه ضعيفه شوي؟
شوووووووووو تنصحوني وإذا تمكيجت فعرسي بأثر الكحل على عيني؟؟
اممممم والله انا سويتها في الهند من كم من سنه
خخخخخخ ومن ثاني يوم فصخت النظاره اللي المفروض اكون لابستنها عن الشمس
دام قالت الدكتور عادي اتوكلي ع الله و سويها
للاني انا تقريبا اسبوعين او 3 اسابيع و قمت اشوف الدنيا صافيه و حلوه
اتوكلي على الله وسويها ربيعتي سوتها في المستشفى الايراني بس اول 3 ساعات تكون الدنيا مضببه لازم حد يوصلج البيت وكملت اسبوعين بالكثر بالنظارة الشمسية وبعدين انشا ءا الله مافيه خوف نفس بداية العملية وبعدين فيه وقت حلو ع موعد عرسج يعني اتوكلي ع الله ( وعلى فكرة في ناس من خوفهم الشديد يسوون عين وحده وبعدين يسوون العين الثانية عسب شو انه يخافون ع الاقل عين ولا عينين
اتمنى تفيدوني لاني انا ناويه اسويها احين في رمضان … اباها قبل العيد … و محتاره و ين
المشاركة الأصلية كتبت بواسطة 90909 
اختي و خالتي مسوينها ف البريطاني و يمدحونه ^_^
الحين يشوفون اوكي
طبعا انتي اول ماتروحين له بسوي لج فحص و هو بقرقر لج اذا عينج تناسبها الليزك او لا
انا طبعا سويتها ف الهند والحمد لله كلها تقريبا نص ساعه و تخلصين او اقل
حبيبتي انا سويتها قبل سنه وشي في المركز الطبي اللي مجابل ميركاتو في جميرا على يد دكتور لبناني بس والله ما اذكر اسمه لكن ماشاء الله وايد ممتاز وهو اول دكتور يدخل الليزك في دولة عربية .. المهم قالي بعد اسبوع من العملية حطي مكياج وكحل وسوي اللي تبينه بس خلال هالاسبوع حافظي على عيونج ولا توخين ولا تشلين شي وطبعا الشمس مضرة لعينج هالفتره بس الحمدلله انا ما تعبت وحسيت بالضباب الا اول يوم من العمليه ولا بعد عقب ساعتين من العملية ماشاء الله كل شي رد طبيعي وتميت اطالع التلفزيون عادي ..
توكلي على الله وسويها ولا تحاتين واترسي عينج كحل يوم عرسج والله يهنيج
ana saweetha last tuesday w still mashoof waaaaaaaaayed waa6’7 awaal yoom mool matshoofeeen shay wa6’7 eldnya m6’aaabba blgow
thanee yom shwaaay a7saaan al7eeena ashoof bas msh wayed clearrrrr
seree saweeha w twaklaay 3alaala