بنات انا متزوجه من سنه وموظفه في نفس الوقت… ولأني كنت دلوعة أمي وابوي كوني وحيدتهم طلعت مافهم اي شي فالمطبخ غير الخفايف : بيضو فولو سلطه وهالسوالف ورمضان اللي طاف كانوا اهلي يطرشون لي كل الوجبات بس خلاص ابا ابدا اسوي لزوجي شي من ايدي !!!!!
مشكلتي ان الطبخه اللي تنكتب لازم تكون مكتوبه بالتفصيل الممل!!!!
يعني ماينفع حد يحط جملة (والملح على حسب الرغبه؟؟؟؟) هاي قمة الوهقة بالنسبه لي
بنات دخيلكم ساعدوني يزاكم الله الف خير
الحين انتي خليتي طول السنه ويايه في رمضان بتتعلمين الطبخ خلي امج اطرش لج احسن وانتي سوي الحلويات
اك هزاع جربي الطبخ في العطله وكل الوصفات لي اهنيه بصراحه جيده وتنفهم بسرعه وبصراحه ترى الطبخ نفس وكل وحده مب شرط تتقيد بالمقادير
واتمنى لج حظ جيد يا ام هزاع
خذي كتاب الطبخ الميسر من كارفور واكلج بيطلع عال العال بس ادعيلي انا كل يوم اسوي طبخه لعيالي وشو يضبط وغير الكيكات والحلويات اعيالي يوم ايون من المدرسه اول شي على الثلاجة ايشوفون طبخت امهم هاها بس اليوم بفشلهم ما سويت شي ما بكل يوم العيد