ساعدوني بليز فموضوع رضوة ام العروس

السلام عليكم عزيز أتي
عندي بس سؤال و ابا اعرف الحل منكم
انا عرسي عقب أسبوع ان شاء الله
وحده من رفيجات أمي تقولها لا تتنازلين عن رضوتج لان جي انتي تتساهلين و تتنازلين و جي عيب فحج انتي و لازم ام المعرس تحطها بأيدج يوم العرس قبل لا تطلع بنتج ويا ريلها من الفندق مع العلم ان المعرس يوم الخطبة يابلي طقم و حق أمي بعد طقم بسيط
و أمي تقوللي شو نسوي نطلب الرضوة ولا كيف و أمي تستحي تطلبها لان ام المعرس مووووول ما تكلم أمي إلا كل كم شهر مره لانها مايخصها بشي حتى عيالها ولا تدري عنهم شي اللهم تطبخ و تطالع تلفزيون
حتى ما كلمت أمي تقولها شو تبين ولا شو ناقصنكم ولا شي أبدا
سؤالي الحين صدج كلام رفيجة أمي انه عيب ما تأخذ رضوتها؟!؟
و عادي أمي تطلبها ولا لا !؟ و اذا طلبتها ما فيها مذله؟!؟ و كيف يكون الأسلوب؟!؟ و منو تكلم المعرس ولا امه؟!؟

نحن ماعندنا هالشي ولا نرمس ولا انقول الغاليه يسد ان يابوا حق امج طقم بسيط يسد وزياده بعد اهم شي انتي عطوج الزهبه ويابولج طقم وخلاص ^^

اول مره اسمع في هالشي ،،،

وهاي كلها مظاهر ،، يكفي انهم ذكروها وبس ،،

ماعندنا هالعادات الصراحة.

ونحن بعد ماعندنا هالشي

اهم شيء ان شاء الله مايقصر وياج و ويا اهلج ^_^ الله يوفقج ويتمم لج ع خير

اول مرة اسمع عنها
الرضوة للزعلانين تكون

حبيبتي مب لازم
ونحن ما عندنا هالعادات

يعني عاااادي يصير كلام كثير والله يبعد عنا وعنكم القيل والقال