السلام عليكم اخواتي
انا قررت باذن الله اني اعمل تمريخ هالشهر بعد الاستخارة , بس ودي اسال في حد يعرف الممرخة ام حمزة الي في مركز الغذاء الملكي في الشارقة ؟ اذا حد جربها يا ريت تخبروني و الي تعرف ممرخة موثوقة بمكان موثوق تخبرني عنها و يا ريت تكون في الشارقة ,,, وخبروني كمان عن تجاربكم في التمريخ لو سمحتو
ولكم جزيل الشكر مسبقا
انا يدوه اتمرخني ورحت عند رويه في عيمان ووحده في دبا الفجيره اسمها بيبي بعد وايد زينه للي عندها الرحم مقلوب او ملتف يعني ما يكون افمكانه على قولتهم بيت الظنى والمساح يعور الله لا وريج بس الوحده تستحمل شو نسوي من غير اتحطيلج غرشه على بطنج اونها زينه قبلها طبعا اتحطي لج شرات الصره جي صغيره وتولع فيها وتجلب الغرشه عليها وعاد من تنطفي الضو تمسك الغرشه مسكه في بطنج وهي تقعد اتحيسها شرق وغرب وشوي شوي اتمطها اونه زين جي واتم لج مثل الدائره افبطنج وتسوي لج على الظهر بعد وفيه عوار خاصة البطن وهاي تجربتي
تقبلي مروري
بخبرج عن تجربتي
اول شئ سوتلى مثل المساج على ظهري وبعدين سوتلي حجامة ناشفة ، وبعدين سوتلي مساج على بطني وبعدين حجامة ناشفة على بطني ، بس عقب ربطتلي بطني من تحت بغترة ، رحلتها ٣ مرات ثاني وثالث و رابع يوم للدورة ، الله يرزقج ويرزقنا الذرية الصالحة