مرحبا……اتمنى انج اتكونين بخي ومرتاحة يارب…
انا وحدة متزوجة ..مشكلتي هي مرت اخو ريلي ونفس الوقت صديقتي..انا وايد احبها ودوم قلبي عليها ..يعني قبل ما اسير مكان اقوللها…المشكلة انها ساعات ويا اتسولف ..تتطلع وياي,,,بس ساعات تتبتعد عني يوم اتشوف خوات ريلي ….
انا مستغربة منها …مرات احسها وياي عال العال ومرات احس انها تتبتعد عني بمجرد اتحصل غيري…يوم من الايام صارحتها…قالتلي اني انسانة فاضية وانها مب متفيجة حق هالسوالف…
اتصدقين انها يوم اترمسني واتكون وياي واتسولف وياي احس اني مرتاحة,,ويوم اتصد عني احس انها تكرهني ….مع انها اذا ما حصلت اي شخص معاها اترد لي………..مع اني وايد طيبة معاها…….
ابي نصيحة منكم تعطوني كيف اتصرف معاها……..ابغي التجربة من وحدة امجربة معنى الصداقة…تعطيني نصيحتها عن تجربة
مشكورين ,,وجزاكم الله الف خير يالغالين
الله يوفقكم
الصديقه ماتبتعد عن صديقتها مهما كان
بس ما ادري والله بشو انصحج
والسموحه منج
اختي مادامت هذه الانسانة لا تتذكرك الا عندما لا تجد احدا معها
فانصحك بالابتعاد عنها او على الاقل معاملتها بطريقة عادية
الصديق لا يترك صديقه في اي حال من الاحوال حتى لو اجمتع حوله الناس جميعا
لكن ان تتذكرك عندما لا تجد سواك
فلا اعتبرها صداقة بقدر ما اعتبرها مرحلة تمضية وقت وتسلية او كسر ملل الى حين ايجاد البديل
عامليها بشكل عادي لا تعطيها اكبر من حجمها
ولا توقفي حياتك عندها
فهي حثما حياتها مستمرة بك او من دونك
والدليل انه بمجرد ان تجد غيرك تركنك بالرف ( اسفة على التعبير ) ربما تعود اليك وربما لن تعود
لا تبتعدين عنها بس عامليها بطريقه عااديه جداً
ومثل ما قالوا الخوات
الصديقه الحقيقه لاا يمكن انها تبتعد عن صديقتها ..
اختي عامليها معاملة عادية جدا يمكن بعدين هيه بتلاحظ هالشي وبترجع معاج مثل ماكانت وأحسن.. يعني حسسيها انج شاله بخاطرج وان شاءالله ترجع علاقتكم مثل ماكانت وأحسن.. والله يوفقج اختي
قالوها الصديق وقت الضيق
وقت ما تحتاجج تكونين وياها
وينها وقت ما تحتاجين لها ؟؟؟؟؟؟
في نوعية من الناس مصلحجين 100%
ليش ما تجربين تبتعدين عنها شوي ما اقولج قاطعيها
على الاقل عامليها مثل ما تعاملج
ويمكن تحس وترجع لج
ويمكن صداقتها مصلحة بس وانتى تعتبرينها صديقة
بعدي عنها وخليج سطحيه معاها هاي صداقه مصلحه