ساااااااااااااعدوني ابي اسوي شئ حق العشا يكون سهل

المالح هذا نهووود كانت مسوتنه وايد حلو و مرتب

النسبه للطبق الأول ..
تقطعين خبز السلايس بشكل دائره وتفردينه بالنشابه .. تحطينه في صينية الكب كيك بيستوي شكله مثل الصحن مثل ما تشوفين في الصوره وتدخلينه الفرن لين ما ييبس .. وبعد ما تطلعينه من الفرن تحشينه بأي حشو تحبين ..
أما اللي ع اليمين تقطعين اطراف السلايس وتفردينه بالنشابه وتحطين فيه الحشو وتلفينه وتربطينه ببصل أخضر .. اللي ع اليمين فول هرسته وحطيت فيه ملح وفلفل اسود وكمون وملح الليمون واللي ع اليسار تونه خلطته ويا ميونيز وليمون وملح وفلفل اسود وزينته بالخس والزيتون الأسود

شوفي هالموضوع بيفيدج
http://forum.uaewomen.net/showthread.php?t=496906

سيزر سلط لازم الخس يكون امريكي مب العادي

http://forum.uaewomen.net/showthread.php?t=420630

فتة باذنجان

هذي صور لي بموضوع ريوقنا وغذانا وعشانا

اول شي المقادير

2 باذنجان مقطع مكعبات
2 بطاط مقطع مكعبات
عصير 1 طماطم وياه فص ثوم صغيروني اذا تبين اكثر ثوم ممكن تزيدين وبعد تحطين وياه نص حبه ماجي هذا كله بالخلاط (طماط ,,, ثوم ,,, ماجي)
خبز مقطع مربعات يفضل ماتفتحين خبزه قطعيها وهو مصكر يكون احلى
2 روب مخلوط وياه طحينيه جاهزه تقريبا ملعقتين مليانات وياه عصير نص ليمونه —-> شوفي انتي تقدرين تتحكمين بهالخلطه اطعميه شوفي كيف بيطلع طعمه مهم نفس طعم صوص مال سندويشات المطاعم
نعناع مقطع صغار او بقدونس ع راحتج
لو تبين بعد صنوبر لزينه

اول شي نقلي ببطاط ونخلص نحطه بورق زيت
عقب نقلي باذنجان ونخلص نحطه بورق زيت
عقب الخبز ونخلص نحطه بورق زيت
اذا بتسوين صنوبر قليه بعد بس شوي لان بسرعه بيحمر
الحين تيبين صحن التقديم

تحطين طبقه بطاط صبي صووص الطماط عقب باذنجان صبي صوص لين تخلصين من بطاط و باذنجان

اخر شي صبي صوص الطحينه

و عليه الخبز و الصنوبر

وفوقهم النعناع او البقدونس
يا هالسلطه

سلطه الناشوز

http://forum.uaewomen.net/showthread.php?t=502397

اليوم بقدم لكم سلطة الجرجير لذيذه مع المشاوي و المجبوس ….الخ و ان اشاء الله تعجبكم

و اتمنى اشوف الردود الحلوه علشان انزل باقي الأكلات

المقادير

خيار
بصل ابيض
طماطم
جرجير
ليمون
ملح
زيت زيتون

ثوم (( اختياري)) تطحنون الثوم و تضيفون لسلط ، انا ما احب الثوم ههه

نقطع جميع المقداير و نخلطهم و نضيف اليمون و الزيت الزيتون و الملح

مع الحليب المكثف المحلى

http://forum.uaewomen.net/showthread.php?t=595159