مرحبا خواتي عندي استفسار للي عايشات ويا اهل الزوج الله يسلمكم انا ساكنه ويا اهل ريلي الحمدلله مستانسه وياهم وهم مب مقصرين ويايه في اي شي يحبوني واحبهم الله يخليهم لي انشالله بس يوم بيطلعون ما يقولون لي جان تبين تطلعين ويانا ولا يوم يكونون معزومين على عرس او عزيمه مايقولون لي جان بتين ويانامع انه انا في خاطري اسير بس استحي اقولهم ؟؟مادري يالمعرسات وساكنات ويا اهل الريل هل هالشي طبيعي وعادي
ها الشي مب غريب
لاني مب اول مره اسمع بها الشي
يمكن انتي يوم تظهرين ماتخبرينهم
فيقهرون فيج ومايخبرونج
والسموحه
مب معرسه
بس عندنا حرمه اخوي مثل اختنا والحمدلله
كل شي مع بعض عادي
بس اول مره اسمع جي
يمكن مثل ما قلت الاخت يحبون يقهرونج ولله العالم
لاتشلين بخاطرج ماعليه
انا الحمدالله عايششه ويا اهل ريلي
وكلهم معاي لما اطلع اخذهم وياي ولما يطلعون ما يطلعون من دوني ابد
واذا بيطلعون من دوني اذا طويل العمر معاي ايخبروني عسب ما احاتيييهم ربي يحفظهم لي ويخليهم
ويجمعنا ع خير دووووم
انا معرسة وساكنه ويا اهل ريلي … ساعات يطلعون بس مايخبروني اذا بسير وياهم وهذا شي عادي
وانا ماأحط فبالي هالسوالف داام العلاقة الحمدلله زينة …
لكن اذا معزومين على عرس او عزيمة ايخبروني واسير وياهم …. يمكن اهل ريلج حاطين فبالهم انج ماتحبين الطلعات والاعراس؟؟؟؟ او هم مب من النوع اللي يسأل اذا بتسيرين والا لأ …
لا يقهرونج ولاشي ….
بالعكس.. عشان أنتي بعدين إذا حابه تروحين مكان عادي تروحين وأنتي مرتاحه..وما تحاتين انه لازم تخبرينهم وجيه… يعني عشان كل حد ياخذ راحته في طلعاته..
وأعتقد من حقهم يطلعون بروحهم كعائلة بدون زوجة الولد ..
يعني تخيلي تبين تطلعين ويا ريلج وتاخذون راحتكم …وينقزون لج في النص.. يعني مثل ما انتي تحبين تاخذين راحتج ويا ريلج ..هم بعد يحبون ياخذون راحتهم ^^ ..
وما عليج من رمسة البنات انهم يبون يقهرونج…. أنا أشوف انه مجرد حريه لكل الطرفين….