السلام عليكم
بنيات وحرمات
شخباركم
المهم
يا ما سويت مجابيس
يا العيش مهروس
يا حصا
شو الحل يعني
لا واغلب شيء يكون الملح ناقص
فقط يوم اسوي المجبوس
اوكي
اسوي مثل ما تقولون
اخلي الماي فوق العيش ب 2 سانتي تقريبا الماي يكون ملحه تمام وزياده
واصكر الجدر
والنتيجه
العيش من تحت ليييييين
ومن فوق يابس؟
والملح ناقص
شو المشكله مادري؟
ابا بليز بالضبط
انا استخدم قياس العيش بالقلاص
كم احط الملح
والماي
والنار هاديه ولا؟
والمده
حسب العيش اللي تستخدمينه في منه يطلع وايد ويكون يحتاي ماي زيادة شوي … وفي من العيش مايطلع فمايحتاي تزيدينه ماي …. والملح مااعرف والله انا احط جي بدون قفشة عقب ما يفور اذوق ملحه اذا اوكيه اخليه واذا بعده يحتاي ازيده
انتي يوم بتحطين العيش خلي النار عالية اول مايفور قصري على نار خفيفة ويد وذوقي ملحه وهو فيه العيش ويوم بتشوفين الماي نشف شوي قلبي بالملاس شوي من تحت اذا يحتاي ماي زيديه واذا مايحتاي خلاص خليه لين ينشف مايه وبندي عنه
وباالعافية
رررررررفع
الماي حسب نوع العيش,,
شي انواع بسرعة تلين,,,لازم تقللين الماي
وشي انواع يباله كم ماي ويطلع نثري بعد
انا افضل نوع عندي للمجابيس عيش xxl
جربيه..مهما زدتي الماي مايطلع مهروووس نهائيا
اما سالفة تحت لين وفوق يابس؟؟ طريقتي لازم اخلط العيش كل ثلث ساعة,,اول مرة يفور 10 دقايق,,ومن عقبه نار هادية جدا…وكل ثلث ساعة احرك بالملاس بس بخفة,,من تحت لي فوق,,كأنج تغرفين عيش من تحت وتصبينه عاللي فوقه
لي ينضى تماما..
اما الملح..حطي القياس اللي انتي متعودة عليه,,,لما باقي عالمجبوس وقت بسيط مثلا باقي 10 دقايق ويستوي تمام,,اتذوقي ملحه؟؟اذا ناقص..زيدي وحركيه عدل…وخلاص خليه عالهادي مغطى….وعقب اغرفيه…
عوافي
هلا حبيبتي
ماادري شوفي هالرابط لحد الاخوات جزاهم الله خير
عنوانه : 
للمبتدئات فالعيوووش^^حياااكم طريقة واايد سهلة ولذيذة لعيش نثري خطيييير بنص ساعه بس
للرفع
لازم تقللي المويه حقت الرز وتحطي زيت كثير علشان الرز مايتكتل عليكي وانا شخصيا لازم احط ماجي وشويه ملح بيطلعلك مظبوط ان شاالله