السلام عليكم
اشحالكن بنات؟
انا محتاره بسالفه الحلاوه يعني ببعض المناطق؟
اشل ريلي كامل بالحلاوه والا لا؟ لان من بعد الركبه شعري مب وايد يعني هو في شعر بس انا اخاف عقب ما اشله ترجع الشعره اغلض من قبل؟ ومحتاره بعد اشله عن بطني والصدر والا بس اشقر مع اني مب مقتنعه بالتشقير لان الشعر موجود موجود ولا يمكن التشقير يطول الشعر بعد؟
انتو شو رايكن
بسوي الحلاوه يوم الثلاثه فبليز لا تتاخرون علي
????????
الغالية الشعر اللي فالفخوذ نصيحة لاتشيلينه بيطلعلج اغلظ عن قبل .. واللي فالصدر والبطن شقريه
انا برايي اديج و ريلج تشليينهم..يمكن ريلج من النوع اللي يلاحظ …
بس ظهرج و بطنج لااااااااااااااااا ..شقريهم…
هذا من رايي
القمزيه
حور دبي مشكورات على الردود والنصيحه وبانتظار مشاركة البقسه
قوت القلوب
؟؟؟؟؟؟؟؟
الغاليه تبغين نصيحتي بالأول شقري جسمج كامل وبعدين شيلي شعر جسمج كله ما عدا الظهر والصدر وتوكلي على الله بما انج عروس ومبررررررررروك مقدما والله يسعدج ويوفقج
ام روضه مشكوره على الرد
بس ما فهمت ليش اشقره وعقب اشله بالحلاوه(عشان يوحد لون الجسم والا شو)