السلام عليكم و رحمة الله و بركاته
أخواتي حبيت أسألكم عن مستوى سكري الحمل
سويت الفحص قبل الأكل و بعد شرب الجلوكوز بساعتين طلع 157 ملم
و الدكتوره عطتني حمية عشان الوزن و قالت لي امتنعي عن
أي أطعمه بها سكر ؟؟
ف شو المعدل اللي تعرفونه ؟
أفيدوني و يزاكم الله خير
واذا الحميه مافادت راح يعطونج ابر انسولين واحتمال تولدين بطلق صناعي
للرفع
عيل ليش انا قالت لي الدكتوره اذا فوق ال 95 وانتي صايمه على الريج لازم ادقين الطوارئ واذا سويتي التحليل بعد الاكل بساعتين وكان فوق ال 120 ادقين الطوارئ انا مره وصل 128 دقيت الطوارئ قالولي تعالي بسرعه المستشفى…. اختي انتي وايد مرتفع شيكي معاهم في الكورنيش اذا انا سولي حفله …الله المستعان وما تشوفين شر
انا عن نفسي يوم سويت الفحص كان 154 بعد لبفحص بساعتين وانقال لي نفس الكلام… وقالت لي الدكتورة يا اني اخذ حبوب كلوكوفاج او ابر انسولين او اني اسوي حمية …فكونا فرمضان … قمت اسوي التحليل قبل الفطور وبعد الفطور بساعتين والحمدلله قبل الفطور ما يتعدى ال90 وعقب الفطور ما يتعد ال130 وهالشي طبيعي …. بس صبوعي استوت شرات المشخله من كثر ما استخدم الجهاز 
بس الحمدلله على كل حال… لان قالوا لي ان السكر ياثر فوزن البيبي واحتمال كبير تكون الولادة قيصرية …اللهم لا تكتبها علينا يااااارب…
والله يسهل عليج وعلينا …ونصيحتي سوي شراتي من عقب ما افطر اكل بس وجبة وحده وخفيفة ومن عقبها ما اكل الا عقب ساعتين يوم احس نفس يوعانة وعالسحور مجبورة اني اكل لاني اول شي اداوم مع ان دوامي قصير بس سحوري يكون جبن وروب وخبز وبس….
الله يبعدنا عن سكر الحمل ياااااارب….
اذا صايمه ما يطوف ال 95 وبعد الاكل بساعتين ما يطوف 120
لو شفتيه شوي مرتفع لا تتريين على نفسج لان وايد يبهدل
انا شفت منه الويل في ولدي الاول
المشاركة الأصلية كتبت بواسطة موازنه 
واذا الحميه مافادت راح يعطونج ابر انسولين واحتمال تولدين بطلق صناعي
اختي معلوماتج غلط
140 هذا مصيبه للحامل اذا عندي وصل جذيه سيده يرقدوني عسب ينزلونه وانا اتكلم عن تجربه
130 ياثر فما بالج ب 140
لازم اقل عن 120
والصيام اهم شي ولازم يكون تحت 95