السلام عليكم
خواتي بغيت اتخبركن بخصوص بدل السكن حد نزله ؟
لانهم قالوا اذا الزوجين يشتغلون فحكومة اتحادية بينزل لهم او اذا واحد منهم بالاتحادية والثاني محلي بعد لينزل لهم
أنا ما نزل لي .. شو السالفة 
ويزاكم الله خير وتقبل الله منا ومنكم صالح الاعمال 
راجعي قسم المالية في دوامج
لازم يكون نازل لج الشهر اللي طاف
حبوبه ليش العجله
ترا لين يخلصون الاجراءات يبالهم شهر او 2 بس بينزلولج بأثر رجعي ابتداءً من صدور القرار تاريخ 18/ 6/
انا جي قالولي الماليه يمكن ينزل لفئه اسرع من فئه على حسب ما تخلص اجراءات كل شخص
طبعاً اذا الاثنين يداومون اتحادي او واحد اتحادي وواحد محلي غير عن الي واحد اتحادي والثاني جيش مثلاً ..
فلا تخافي حتى لو ما نزلج بينزلج بأثر رجعي وعسب تتأكدي أسألي الماليه
تحياتي
احنا نزل لنا شهر ٦ و لله الحمد مبلغ جداً حلو و لله الحمد بالاضافة الى فلوس حق مدرسة بنتي بعد نزل
المشاركة الأصلية كتبت بواسطة سحابة غيث 
فلا تخافي حتى لو ما نزلج بينزلج بأثر رجعي وعسب تتأكدي أسألي الماليه
تحياتي
يزاكن الله كل خير ما قصرتن حلوين
زين أنا ريلي فالشرطة بينزل لي ولا ؟
نحن ما نزل لنا شي
قلنا يمكن هالشهر ينزل
حسبي الله ﻻ اله اﻻ هو عليه توكلت وهو رب العرش العظيم ♡
الله يوفقج يارب 