اشحالكم كلن بحاله ؟
سؤالي الاول:
حبيت استسفر….ياريت لو ادلوني على عياده في دبي او عيمان اقدر اثقب اذن بنتي الله يحفظها فيها ؟
وسؤالي الثاني :
اذا حلقت بنتي ع الصفر ع قولتهم يوم يرد يطلع الشعر هل يرد يطلع بملمسه اللي كان عليه بس على اغلظ والا يتغير الملمس؟(مب عارفة كيف اوصل الفكرة) ياريت لو اتفيدوني …
تحياتي للجميع
بجاوبج عن سؤالج الثاني ^_^
عـ حسب اختي .. نحن ولد اخوي قرعناه بموس فـ البيت .. اممم كان شعره ناعم و خفيف .. وجييه يلتف عـ بعضه !! بس يوم طلع .. طلع اغلض .. بس مب ناعم -_-" .. عل وعسا يتعدل !!!
ماقلتي كم عمر بنتج !!!!
عن مكان تثقيب الاذن ..ماأعرف انشاالله البنات بيفيدونج
اما عن الشعر .. عن تجربه بنتي كان شعرها نعييم بس خفيف ووديتها حلاق الاطفال مشان يرتبه لها بس من حلقتها شعرها تغير وصار مطوي او مثل الاندومي على قوله خدامتي …
المشاركة الأصلية كتبت بواسطة N!CE 
عـ حسب اختي .. نحن ولد اخوي قرعناه بموس فـ البيت .. اممم كان شعره ناعم و خفيف .. وجييه يلتف عـ بعضه !! بس يوم طلع .. طلع اغلض .. بس مب ناعم -_-" .. عل وعسا يتعدل !!!
هلا وغلا الغاليه ويشرفني حضورج حبوبة
تراها هاي هيه السالفه عشان جي ابا اعرف ^_^…وإن شاء الله بيعتدل شعر ولد اخوج ع مر الوقت بس اعتقد الموس هو اللي يخشن الشعر والله اعلم .
شعر بنوتتيه الله يحفظها رفيع وناعم ما شاء الله …حد يقولي حلقيها وحد يقولي بس سويه توليت فمب عارفة .
المشاركة الأصلية كتبت بواسطة بدوووورة عن مكان تثقيب الاذن ..ماأعرف انشاالله البنات بيفيدونج
اما عن الشعر .. عن تجربه بنتي كان شعرها نعييم بس خفيف ووديتها حلاق الاطفال مشان يرتبه لها بس من حلقتها شعرها تغير وصار مطوي او مثل الاندومي على قوله خدامتي …
عمرها الله يحفظها شهر و3 ايام الله يطولي بعمرها يا ربي .
اسعدني حضورج الغاليه .
هههههههههه ضحكيتيني فديتها يا ربي الله يحفظها لج يا ربي .
بس انتي حلقتيها كامل والا بس ترتيب ؟
سؤالي الاول:
حبيت استسفر….ياريت لو ادلوني على عياده في دبي او عيمان اقدر اثقب اذن بنتي الله يحفظها فيها ؟
مستشفى زليخه بس سمعت يكون افضل لو الياهل يكمل ست شهور عقب تثقبين اذنها
وسؤالي الثاني :
اذا حلقت بنتي ع الصفر ع قولتهم يوم يرد يطلع الشعر هل يرد يطلع بملمسه اللي كان عليه بس على اغلظ والا يتغير الملمس؟(مب عارفة كيف اوصل الفكرة) ياريت لو اتفيدوني …
وبالنسبه للشعر على حسب نوعية الشعر انا ولدي ما شاء الله عليه شعره كان غليظ وناعم اول ما يبته وقرعته وما شاء الله طلع نفس الشعر بس الحين مع مرور الايام والحلاق خرب شعره لانه كل ما نوديه الحلاق يصيح اخر مره حلقه بمكينه واخترب شعره، اما بنتي شعرها خفيف وقرعتها يوم عمرها شهر ولين الحين ما طلع لانه خفيف وناعم هههههههه
أنا الصراحه ابد مب مفكره اقرع شعر بنتي ,,, فديتها شعرها حلو ما اشاء الله
وعن التثقيب بثقبها عقب ما تكمل الشهرين ان شاء الله