س1: بصراحة انا عطوني موعد ولادتي تاريخ 112 وبصراحة ابا اعرف هل ممكن اربي قبل هالوقت يعني آخر شهر واحد بليييييييز قولولي ؟
يقولون الوحدة من تدش شهرها تتوقع الولادة فـ أي وقت!!
يعني ممكن تجدمييين وممكن بعد تتأخرين اسبوع أو شوي أكثر عقب الموعد …… وكله طبيعي مب انه مب زييين
لا تستعيلين ومتى ما االله راد بتربين ^_^ الله يسهل عليج
س2 : متى احسن وقت لختان الولد ؟
كل ما كان أصغر يكون أحسن .. أحس لو عود بيتلعوز وبيحس بالألم أكثر >.<
ولدي خليتهم يختنونه قبل لا اطلع من المستشفى .. يعني ثاني يوم من انولد ^_^ والحمدلله ما تلعوز
أحيانا لو الولد صغير وايد أو مولود قبل موعده يقولون اتريي عليه شهر أو شوي أكثر … بس غالبا يختنونه عادي عقب الولادة على طول 
عادي انج تربين اول التاسع .. اغلب الحريم ايربن بعد اسبوعين من التاسع و حد ايكمل لين موعد الولادة
و احسن وقت حق الختانه و هوه صغير اول ما ينولد لانه ما يحس بالالم بس لازم ايكون وزنه مناسب بعد يعني 2.5 و فوق و اهم شي يكون بخير
البنات كفن ووفن
الله يسهل عليج ولادتج يارب
عادي تربين ف بداية التاسع ,, وعادي تتأخرين ,, يعني انتي من تتدخلين التاسع لازم تسوين كل احتياطاتج وتجهزين كل شي .,,,
والله يسهل عليج ..
اما بخصوص ختان البيبي يكون على طول احسن من تربين ختنييه ,,
والله يحفظه ان شالله
الغالية عادي تربين في بدايه التاسع و مرات الوحده تكمل التاسعه و تدش أسبوع أو أسبوعين فالعاشر
أما بالنسبه لختان البيبي أحسن شي يوم أنه صغيرون يعني أول اسبوع له من ولاده لأنه جيه ما بيتألم وااايد