شخباركن بنااات عساكن بخير ومستانسات يارب
والله يابنات حبيت أسألكن عن زيت اللوز المر اليوم أول مره أستخدمه وحطيته على ويهي لانه بشرتي دهنيه وكلها حب شباب الي لايعه جبدي منه وأتمنى اليوم الي ايي واقولكن يابنات باركولي حب الشباب طااار<<يا حليلني حالتي جسيفه .gif "12 (1)")
المهم وبدون طواله حبيت أسأل هل أخلي الزيت على ويهي ساعات محدده ولا عادي أحطه بالليل وأرقد فيه ولا لإنه سام ما ينفع أخلي على ويهي وأنا راقده؟؟؟
ما أعرف خواتي بغيت رايكن وشوركن للي مجربين لاني بصراحه خلاص نويت الحرب على الحبوب الي فويهي وأملي إنه بشرتي تكون صافيه واستانس.gif "12 (83)")
فياليت ما تبخلن عليه بالرد السريع والوافي
ومشكورين مقدما
ويزاكن الله خير ويسعدكن فدنياكن ويوفقكن يارب العالمين
خليه عويهج قبل السبوح بساعه افضلج عسبت بشرتج دهنيه وانشالله لبنات يفيدونج
حبوبه جربي غسول نيوتروجينا Ance wash وايد حلوو .. واستخدمي مقشر للويه وعقبها تونر وكريم مرطب .. في حدود اسبوع بس بتخف الحبوب ان شاء الله ^_^
حيبتي ليش ماتسيرين عند الدكتوره نابغه حمدان في الشارجه عالبحيره بتفيدج ان شاءالله
البشره الدهني عليكي بالطمي المغربي لو حصلتيه الطمي الاحمر هو يستعمل كماسك للشعر الدهني والوجه
جد مفيييييييييييد
لو ماحصلتيه عليكي بالاتي والله راح تلاقين نتيجة بس كل شي طبيعي يبي وقت ترا دوا الطبيب يقولك بعد 6 اشهر تبان نتيجيه مابالك بالطبيعي بس الطبيعي اضمن
شوفي خدي لوبيا (فاصولياء) الياسبه واسحقيها لين تصير زي البودرة
خدي منعا ملعقه +قطرات من عصير ليمون الحامض +شوي ماي معديني =لازم الخيلط يكون مب سايل ولا ثقيل يعني يكون عادي عسب تحطينه بكل سهوله على ويهك تخلينه لين يجف على الوجه واغسليه تسون الماسك كل يوم باول اسبوع واتي اسبو يوم ويوم لا وتابعي واخر شي سويه كل مرة بالاسبوع ولو ويهيك يحسس من الحامض فكافي بس ماي معديني
هالوصفه مجربة
بس انا كنت احط طين ابيض ومر وكمي بس حصلت نتيجه مرضيه
واختي ترا مرات الحبوب الي تصاحب البشره الدهني تكون من حاله نفسيه او من شي تاكلينه وهني لازم تراجعي الطبيب
مشكورات خواتي ع الردود الله يعطيكن الف عافيه
واسمحلي ع الازعاج
واذا حد بعد عنده تعليق آخر ياليت تفيدوني ويزاكن الله خير
الغاليه اللياعرفه انه زيت اللوز المر للشعر
وزيت اللوز الحلو للبشره