السلام عليكم ورحمه الله وبركاته
خواتي بنات المنتد حبيت اعرض لكم قصتي ويا علاج ولدي اللي عمره 6 شهور
من رمضان اللي مر علينا على خير مرض ولدي فديته ويته كحه ناشفه لدرجه انا يسعل لحد ما يختنق
وكان وايد غامضني لان كحته كانت قويه وترجله صدره رج
المهم سرت وديته عياده خاصه للاطفال في الشارجه وعطوني دواء واستمريت خمس ايام وما فاده
وعقب مستشفى الزهراوي في راس الخيمه وعطوني علاج واستمريت عليه 7 ايام ولا فاده
وعقب وديته مستشفى ولكير في دبي وعطوني دواء استمر عليه 7 ايام ولا فاده
ورديته مره ثانيه مستشفى و لكير وعطوني علاج اعالجه بالبخار لمده7 ايام ويابلي نتيجه اول ساعتين من عقب البخار ويرد كل شي مثل ما كان
وحسيت اني انحبطت تميت كل ما ارقده فليل احط له في قاعه ريوله فكس الحبه السودا وازلغه عليهن
وماشي فايده
تميت شهر ونص وانا اعاني ادور علاج لولدي لدرجه انا نقص وزنه وكان كل رضعه ارضعه اياها يسعل ويرجع الحليب كله
وياني يوم وتلاقيت ويا خالتي الله يطول بعمرها وخبرتها عن حاله ولدي وقالت لي عطيه زيت السمسم خاشوقه صغيره قبل الرقاد ودهنيله صدره بزيت السمسم
وقالتلي لا تاخذينه من الجمعيات لانه ماب اصلي
قلتلها عيل من وين اييبه
قالتلي انا عندي اييبه من سوريا وبطرشلج منه
بس يومين يابنات وبدا يهدا ولدي
واستمريت 5 ايام بالعلاج والحين فديته وما شاء الله عليه مرتاح من السعال
وانشالله فدتكم
وجربوه وادعولي
صح كلامها انا احطه في الحليب شوي 3 او 4 ايام ويرتاح الياهل
المشاركة الأصلية كتبت بواسطة ام بنانا 
مشكوره حبوبه على المرور
عادي انا اشرب ؟
انزين من وين انيبه
من العطارين عادي
تقدرون تلقون الأصلي عند المحلات اللي تبيع أغراض بلاد الشام يوفرون الزيوت الأصليه ومشكوره على الإفاده يا صاحبة الموضوع والله يشافي وليدج ويعافيه يااارب ,,,
معروف زيت السمسم والحبه السودا . يدهن صدر الياهل وهو دافي . بتحلونه فيب القريه العلميه( اليمنية) . وعند العطارين