السلام عليكم شحالكم بنات وحريم
انا عندي مشكله ودخلت المنتدى عشان اخبركم لاني تعبت نفسيا منها
وهي ان عندي مناطق سوده ف جسمي وريلي دوم يعلق عليه وانا قمت اخاف اللبس اي شي
مثلن قصير اطلع ركبتي وعندي الركبه سوده ف صرت اخاف من للبس القصير
الابط عندي نفس الشي من كثر ما انا تعبت نفسيا من التعليقات صرت اتجنب اي شي كت
وواااايد اتعرض للتجريح من ريلي لانه يقارني بالممثلات وبياضهن
سمحولي ع المغثه بس لاني اعتبركم خواتي حبيت افضفضلكم همومي
انزين استخدمي كريمات مبيضه تخص هالاماكن
الله يعيينج ويصبرج على ما بلاج ..
شو فايدة بياض الجسم والاخلاق سوداء ..
الله يعيينج الصراحه ..
ماتخيل موقفج ..
لازم بتتضايقين ..
بس بدال ماتتضايقين وحالتج لله ..
سوي شي يكون له حل جذري لج وله ..
حاولي تحلين المشكله ..
اجتهدي .. سيري عند سعاد لطفي عندها كريم حق الاماكن السودا
صح مابيستوي يلق المكان .. بس بيكون فيه تحسن
عليج بالجلوسيد والليمون ..
لا تخلين ها الشي حاجز وشي يكسرج ..
لا حاولي تدورين لعمرج حل عشان ترتاحين انتي وهوه شويه يسكت عنج ..
خليج واثقه من نفسج
يوم يقولج او يعلق على اي منطقه
قوليله بالعكس انا اشوف المنطقه عاديه وحلوة ..والسمار محلنها زياده
ومع الايام بتقل تعليقاته
واذا مضايجه وايد ..في كريمات تبيض هالمناطق ..
الله يعينج ياختي بس مثل ماقالو الخوات لج سيري عند متخصصين يعطونج اشيا تبيض لج المناطق السودا اللي فجسمج لاتمين جيه وريلج عقب بياذيج من كثر مابيعلق عليج ويقارنج بالممثلات ..
وواااايد اتعرض للتجريح من ريلي لانه يقارني بالممثلات وبياضهن
خلي عنج
يحطن كريم اساس من ساسهم لراسهم
غير السليكون والبوتكس
والاغلبيه بدون مكياج مغبرين
خليهم عنج