بحكم اني موظفه حبيت اناقش وياكم موضوع ,,,, بصراحه المستحى صار نادر هالايام
يعني عيني عينك موظفه تسولف ويى زميلها في العمل وتراويه أشياء في الموبايل وضحك
وسوالف !!!!! وعاطتنه رقمها ولا ايميلها واذا سالتها بتقول عادي زميل عمل !!!!! ,,,
انا واعوذ بالله من كلمه انا … تعاملي ويى الشباب في الشغل بحدود العمل بس وحتى لو حاولوا
يتمادون في الكلام اوقفهم عند حدهم !!! ,,, الله يرحم ايام اول الله يرحم يدودنا فديته عمي يقول الاول
الحرمه ما تسمع صوتها والحين ضحكتها واصله آخر الحاره !!!!! شو صار في الدنيا !!!!
بصراحه (((( إذا لم تستح فاصنع ما شئت ))))
شو رايكم انتوا في الموضوع؟؟؟
هيه والله صدقج ونا دوم اناقش امي فهذا الموضوع لا واللي قاهرني المعرسات وياي ف الدوام لا حيا ولا مستحه مب سادنج ريلج عفانا االله !!!!!
السلام عليكم
فعلا قضية انه نتعدى الحدود مع زميل العمل خطا
ممكن نتكلم بموضوع يخص الشغل ممكن نتكلم بموضوع طريف حصل
بس بحدود
لاننا نقضي اغلب اليوم في العمل .. فلازم تكون هناك علاقة محترمة وجدية
والحمدالله في مجال عملي محد يتعدى الحدود وكلنا نحترم بعض
والله يهدي الجميع
صدقتج يالغالية ان لم تستحي فاصنع ماشئت
اللللله
صــدقج و الله هالشئ ألاحــظه وااايد … بس البنت المحــترمه هي إلي تفرض احــــترامها على إلي وياها …
الله يعينا …
و تسلمين عالموضوع … 
عيل شو رايج ان اغلبهن صار ماشي الا ع لسانهن من يردن من دواماتهن الا حمود قال ..عبود سوا ؟….خلود حط … وسلوم شل ……………………وللعلم حمود وعبود وخلود وسلوم هايييييييل ربعها مال دوام اووه قصدي زملاء عمل مثل ما يدعن ..واللي يقهرني يوم اين يقولن ما عرسنا وعنسنااا ويندبن حظهن انتن لو محافظات على عماركن جان ربي ستر عليكن من زمان بس مضيعات على عماركن بهسوالف المصاخه اصلن اي ريال ما يرضى يأخذله وحده سهله كل اللي فدوامه يرمسونها وعلاقتها فيهم فررررررري…صدق المستحى رااااااااااااااااااااااااااااااح الله يخلف علينا
والله يرحم ذااااك الزمان اللي البنت والله ما تيسر ترفع عينها فريال ولا تسمعين حسهااا وهي خاطفه…انا السوق اخاف اروحه برووحي تحاشيا ان يصيرلي موقف مع ريال …ما بالج احتك فريال اكثر من 8 ساعات وضحك وسوالف عوذبالله …..الله لا يقوله
وللتوضيح ما انكر ان في بنات وحريم عكس اللي قلته يعني تعاملها مع زميل العمل فحدود العمل فقط اما غير جذي لأأأ بس عقولت القايل الا من رحم ربي ولا الباجي فررررررررررري
الله المستعان