مرحبا خواتي اعرض مشكلتي عليكم
عشان استفيد من تجاربكم
بمنتي عمرها 3 اسابيع تعاني من زكام الالم شيديد في البطن
شو اسوي لها خاصه المغص
ماتشوف شر ان شاء الله..
شو في حبيبتي اول شي رضعيها من صدرج واااااايد لانه سبحااااان الله فيه كل الفايده ويعطيها منااااااااعه..
واما عن المغص سبحيها بمااااااي دافي وبعدين دهني بطنها بزيت زيتوووون وغطيها زين لاتخلين ريولها معرضه للهواء..
وانتي عليييج بشرب اليانسون لانه عن طريق الرضااااااااعه بيوصلها..
وامن شاء الله اكون افدتج حبيبتي واي سؤال انا حاضره..
انا عندي نفس المشكله مغص بنوتي متعبنها
واستفدت من الموضوع
يزاكن الله خير
أختج
ام مهره
وانا بعد المغص ملعوز ولديه
ولدي كان نفس الشي …
الدكتور علمني أسوي تمارين له عسب يسهل بطنه يريحه من الغازات…
أمسك ريله وأكسفها على بطنه وأكرر وفعلا نفعنا هالشي دوووم الصبح عقب السبوح أسوي له مساج بزيت وعقبها التمارين وهو لابس لبس خفيف يعني سبوحه مثلا بس بدون ما أشغل التكييف…
وفي بعد قطرات للغازات واااااااااااااايد زييييينه للبيبي… بس شاوري دكتورها يعطيها النوع اللي يناسبها