مرحبا خواتي اشحالكم وان شالله بخير…
ولدي من 4 شهور مسوي عملية زراعة نخاع ولين الحين يتعالج…وطبعا شعر راسه كله طاح من الكيماوي…بس الحين بدا يطلع…بس فديته دوم اذا يشرب الحليب بطنه يعوره ويسهله بطنه مع ان الفتره هاي ضروري يشرب حليب … سؤالي اللي عنده حد مسوي هاي العمليه بس بقيت اعرف شكثر خذا وقت لين طلع كل شعر راسه…وشكثر تم جسمه يتأثر من اثار هاي العمليه مثلا ولدي عن الحليب يوم خبرت الدكتور قال بس فتره وبيرجع عادي…وشكثر تم يستخدم الكمامه على ويهه…
الله يعافيه انشاء الله فديته مايستاهل وانتي اصبري عليه شوي يمكن بعدين يتحسن الله يخليه يارب ومايشوف شر انشاء الله
انا قريبتي كانت تعاني من سرطان في الدم
بس خذت كيماوي بدون زراعة نخاع ولله الحمد
لان المرض كان في بدايته
وبالنسبة لشعرها طاح من اول جرعة وعقب رجع يطلع ومن خذت الجرعة الثانية طاح مرة ثانية
وعقب الجرعة الثالثة من طلع ما طاح الحمدلله حتى في الجرعة الاخيرة
وما شاء الله شعرها بدى يطلع ولله الحمد على كل شي ..
وبالنسبة لـ المناعة
فشي طبيعي الموضوع يباله فترة لين ترجع مناعته الطبيعة
لازم توصل 11 مثل الانسان الطبيعي واللي ياخذون كيماوي المناعة تنزل 0 عشان جذا الكمام مهم وبذات لين المناعة توصل 2 ع الاقل ..
الله يشفيه يارب من كل شر ويرجع سالم معافى يارب ياكريم
شكرا حبابي على الردود
الله يشفيه
لا حول ولا قوة الا بالله
اسال الله العظيم رب العرش العظيم ان يشفيه