ادعولي بناااات اني اربي طبيعي
لانه قالولي عملية عسب راس البيبي فوق ولانه بجر فبيتم مستقر
وسرت عند زينب بس ماشي فايدة
ووواايد زايغة من العملية
الله يسهل علي وعليكم
محتاجة دعواتكم
واللي سوت قيصرية خبروني عنها تتعب وايد ؟؟
وكم يوم الوحدة ماتروم تتحرك ؟؟
وكم يوم تتم في المستشفى؟ومتى ترضع البيبي ؟؟
ما عندي خبره .. الله يسهل عليج وتربين طبيعي ..
ربي يسهل عليج وتقومين بالسلامه
لاا تحاتين الغاليه انا اختي بعد كانت بكر و ربت بالعمليه وانشالله ما منها خطوره العمليه تاخذ تقريبا نص ساعه ومن انا الي شفته اختي كانت عادي تتقدر تتحرك ورضعت ولدها من قامت من البنج يعني نفس اليوم بس هم في المسنشفى بيقولون لج لاا تتحركين لمده 24 ساعه وبيحطون لج كيس عسب ما تسيرين الحمام بس عقب عادي بيخوزونه وكل شي بيكون طبيعي انشالله
ربي يسهل عليج وعلينا ويقومنا كلنا بسلامه
فديتج ليش ما يجلبونه لج
حرمة اخويه كانت بجر ومع هذا بعد اول 10 ايام من التاسع جلبو لها الياهل صح يتعب بس اهون
المهم لا تحاتين وربي يسهل عليج
بالعاده اللي بعمليه اتم بالمستشفى اسبوع او 6 ايام
يعني بتحسين اول ايام ماتقدرين تتحركين عقب عادي
الله يهون عليج
يالله يارب العالمين سهل عليهاا واجعل لهاا ولاده طبيعيه سهله يارب
ان شاء الله تربين طبيعي
ويقومج ربي بالسلامة
الحين الحريم يطلبون طلب العمليه ما يبون يشدون ويتعبون
تقول اختي وايد العمليه اسهل من الطبيعي
اما انا كل عيالي طبيعي او طلق صناعي
لا تحاتين ان شاء الله تربين طبيعي حتى وان ربيتي بعمليه تراها ما تخوف
الله يسهل عليج وعلينا جميع