مرحبا خواتي ممكن تنصحوني او تعطوني حل كيف اقدر ابعده عن الفيس بوك يحط صوره ويكتب وين ساكن وشو يسوي وللاسف عنده اسمين وانا صاخه اوني ماعرف ادخل مرات بنك نيم اختي واشوف شو يسوي لو قلت له انا بسوي فيس بوك بعد عشان انت عندك ما ينفع بيعاند ولو قلت له كنسل حسابك بعد يمكن يحس اني اشك فيه شو اسوي هل االف عليه قصه ان وحده تطلقت حليلها عشان ريلها يستعمل الفيس بوك احس ما بتمشي عليه هو روحه يدرس فمكان مختلط وكله الاجانب يحبون فيس بوك والتعارف والاظافات الله كريم بس هو عنده باسورد ايميلي انا افكر اغيره بس عقب مابا افتح حق عمري باب ويشك فيني بس من القهر ماعرف شو اسوي عادي اطلبه باسورده والا يبين اني مب واثقه فيه
ما اقدر افيدج لان انتي تعرفين نوعية ريلج اذا لازم تواجهي او لا
ربي يسعدكم ويهديه لج ويسخره لج ولعيالج
عادي انا زوجي عنده واخوي بعد واتصدقين لو قلت لج اني بس من فتره اعرف ولما سالته قالي من اربع سنوات عنده يقولي انتي اشدراج قلت له سويت لي حساب وحطيت صور اليهال من باريس ما علق قالي ابي اشوفه بس ما عطيته الباسورد وبعد انا عندي ثلاث ايميلات بس ضايفته بواحد بس عمره ما سالني ولا انا سالته حبيبتي الثقه وايد حلوة بين الزوجين فاخذي الامر عادي كلهم عندهم لا تتحسسين ولا تكبرين الموضوع
كوني واثقه فيه يعني شكي لو تغير عليج بكلامه باسلوبه مب علشان عنده فيس بوك
تحياتي لج والله يسر لج امرج
المشاركة الأصلية كتبت بواسطة مشاعر مبعثره 
عادي انا زوجي عنده واخوي بعد واتصدقين لو قلت لج اني بس من فتره اعرف ولما سالته قالي من اربع سنوات عنده يقولي انتي اشدراج قلت له سويت لي حساب وحطيت صور اليهال من باريس ما علق قالي ابي اشوفه بس ما عطيته الباسورد وبعد انا عندي ثلاث ايميلات بس ضايفته بواحد بس عمره ما سالني ولا انا سالته حبيبتي الثقه وايد حلوة بين الزوجين فاخذي الامر عادي كلهم عندهم لا تتحسسين ولا تكبرين الموضوع
كوني واثقه فيه يعني شكي لو تغير عليج بكلامه باسلوبه مب علشان عنده فيس بوك
تحياتي لج والله يسر لج امرج
انا مع كلام الاخت ^^
هلا اختي
اممم لاتخربين حياتج بسبه موقع
ودامج قلتي انه يدرس في مكان مختلط واجانب
انا بقولج، خص الدكاترة وجي يستخدمون الفيس بوك اكثر شي
انا مثلا ادرس في جامعه اجنبيه، تخيلي الادفايزر يوم ابا ارمسها
اطرش لها رساله على الفيس بوك، الدكتور ابا اساله اطرش له رساله ع الفيس بوك
الفيس بوك مفيد ومب مفيد بنفس الوقت على حسب لي يستخدمة
فنصيحتي لج لاتضغطين عليه
دخلي من نك نيم ثاني، وشوفي منو ضايف؟ ولو ضايف بنات هل يرمسهم ولا بس جي
ترى على فكرة ع الفيس بوك توصل اضافات وايد ومب شرط يبون يرمسون مثلا تكون الاضافة عند ربيعه وتطرش له كصديق صديقه، يعني لو شفتيه يرمس هالبنات بيطلع في ملفاتهم وملفه
هالوقت لج حق انج تزعلين وتحاسبينه
اشتركي في الفيس بوك بنك نيم ثاني، رمسيه وقيسي النبض هل هو يرمس بنات، وكيف اسلوبه لو رمسج
وربي يدم عليكم المحبه
لاتخلين الشك يخرب حياتج
خلي بينكم الثقه
وعسى ربي يسخره لج يارب
إنزين شٌـ�ـَو يسوي فالفيس بوك لأن الحين الكل مشترك فالفيس بوك
ويمكن هو عسب شغله