السلام عليكم حررريم 
شحالكن ،، يعلكن بخير وسهاله
حبيباتي انا مشكلتي حاولت احلها بس خلاص ماقدرر
المشكله كلها " الاتكيييييييت "
ريلي احس ماعنده اسلوب ولا في شي
يعني طااااااااااااااف مايهتم بالاتكيت ابدااااا
وانا وحده يهمني هالشي
احب الريال الرزين الكاشخ ومافي وحده ماتحب هالشي وتتمنى ريلها جيه
يعني مثلاااا " اكثر شي اضايق منه "
الاكل : واااااااااااااايد اضايق يوم ياكل .. يظهر اصوات وبسرعه ياكل وبطريقه ماعرف كيف يعني الصراحه تقزز 
حتى لو كنا ف مطعم راقي مايهمه ،، وفوق ها كله يتكلم هو ياكل
انا ماااااحب جييييييه ابداااا والله وايد اضايق ويوم ياكل كله اطالع تحت ماحب اشوف فيه حتى لو يكلمني
ثاني شي اللبس ،، مايهمه كندورته مكوايه ولا لا مغسله ولا لا ،، عادي تكون امبقعه ويلبسها ( بتقولون انتي لازم اتكوين ملابسه وتغسلينها اوكيه انا مب مقصره بس اوقات ما اكون ف البيت وهو يظهر من دون لا ادري وعادي يسير ولا يقول شي ) وهو من النوع اللي يدوخ ف وايد يحرق كناديره وكم مره اشل كنادير محرقه وافرهن يقوم يعصب علي ويقولي خليهن انا اباهن اقوله مايستوي جيه تلبسهم مايطيع يععععصب ويسوي لي سالفه
عادي يلبس بنطولن مايخصه ف القميص سرت وخذيت له اطقم بدل وايد استانس بس رد ويلبس ها ع ها
يعني ماعرف شسوي وياه
ولو ظهرنا ويا بعض يتم يسولف بصراخ كل اللي حولنا لاززم يعرفون شو يالسين انقول ويوم يرمس فون ونحن برع نفس الشي ماشي فايده ااشر له بيدي قصر صوتك يقصر عقب يرد يصاارخ هههه ماشي فايده
واحسه موول مب رزين يعني كل سوالفه مرتبش اوقات اقوله هدي ههههههههه يعني هو جيه من كثر ماهو مربوش مايعرف شو يقول وبسسسرعه يتكلم
انا مابا جيييييه مايعيبني يعني ابا يكون فيه اتكيت ابا يكون انيق ورزين
شو الحل وياه 
عاادي قوليله لما تاكل حبيبي لا ترمس موب زين هوا يدخل بطنك ويتعبااا هوااا. لما يزاااعج ويرمس لا تردين قوليله انا ماسمع جي حبيبي صووتك. اما الملاابس انتي قد ما تقدين رتبيهم له. واول ما يوصل عقي الكندوره ف الغسيل اساسا الدنيا صيف ما ينفع يلبسها حتى لو قعد فيهااا سااعتين. خلج صريحه معاااه. اذكري ايجابيااته واصبري عليه.
فعلا شيء مزعج وهذا للأسف يرجع للتربية من الصغر ورجل وصل لهذا العمر التغير صعب خاصة اذا نفس الشخص ما سعي
للتغير بنفسة —–
أنت حاولي قدر ما تقدري معه خاصة بمسأله الملابس تقدري تسيطري عليها بتحضير ملابس تكون جاهزة للأستعمال
وتكون علي ذوقك —–
بس باقي المسائل الله يعينك بالصبر والمسايسة تمشي الآمور
الآهم أهتمي بعيالك وايدددد حتي لا يكتسبوا هذة العادات
سمحيليه ختيه انتي كنتي ف مجتمع غير مجتمعه وماتعوتي جذي واهو بعد هب متعود خليه ع راحته ترا بيتم ريال شو تبين الناس انتي برأيه خليه ودري عنج سوالف الاتكييت شئ يغطي عن شئ يمكن مافيه اتكيت بس طيب
هذي وجهه نظريه
يوم يرمس وهو ياكل قوليله حبيبي ما افهم لك يوم ترمس وانته تاكل ..
وبعدين اذا هوه طبيعته انه صوته عادي حاولي معاه قوليله ما افهم اك ولا اقدر اركز يوم ترمس بصوت عالي بليز غناتي ارمس بهداوه ودايمن ركزي عليه ع هالشي شوي شوي بيتعود..
بالنسبه للملابس اول ما ايي يبدل جهزيله النظيفه والي فاصخنها حطيها سيده فالغسيل وبالنسبه للبدل حطي كل بنطلون مع قميصه بس المسأله يبالها صبر ..
لا تحاتين اكثر الرياييل جي …. خصوصا الرجل الخليجي .. المتربين في بيئه بدويه صحراويه وفجئه ياتهم هالحضاره يبالنا سنوات طويله عسب نستوي شرات الاجانب او على اقل تقدير شرات الوافدين
كل حياتهم اتكييت ونظام ونظافه .. ومؤدبين بالبيت وبرع البيت
الله يعينا على هالاشكال من الرياييل
ي اختي الريال ما يباله اتيكيت،
جان بيرمس بصوت عالي برايه
يتم ريال، اما من ناحيه الاكل ف قوليله
مب زين ترمس والنعمه جدامك خلص
وعقب بنرمس، اما من ناحيه الكنادير
دامه يبا جي ف خلاص خليه ع راحته
بس سويله كنادير وخليهن ف الكبت بحيث
انه ما يشوفهن ويوم بيطلع وياج خليه
يلبسهن ، اما البدل لا تاخذيله اطقم
حاولي تاخذين الالوان الاساسيه للبنطلون
اما القمصان ف نوعي فيهن، مع الايام بيتعود
ع هالشي . .