بعد ماحاولت بكل الطرق قلت خواتي بنات منتدى سيدات الامارات مابيقصروا عندي بيساعدوني ان شاء الله………..
انا ريلي مخبل فراسي مدمن ع التدخين لدرجه فضيعه يعني اول مايقوم يدوخ وبعد الاكل ع طول يدوخ وحتى لو شرب عصير او بيبسي بعد يدوخ اهو يضر عمره جذا ويضرنا بس ماشي فايده انا ارمسته مليون مرة مافاد وطلعت حقه مواضيع عن اخطار التدخين وانها محرمه ولا فاد نفس الحال ويبت كتيبات ونفس الشي مايبنفع عنده شي وحاولت اقعد عنده وافهمه بانها خطر ع حياته وخاصه عندنا بنت صغيرة اخاف عليها وربي رزقنا بعد اربع سنوات زواج وقلتله عشان خاطرها خفف بالتدريج وبتقدر تبطلها بس مايهتم بلييييييييييييييييز خواتي ساعدوني اذا عندكم طريقه معينه خبروني شو اسوي واذا احد كان يعرف شخص مدمن ع التدخين وبطل تقولي كيف والقهر قلتله منو علمك التدخين يقولي ربيعي ايام المدرسه يوم كان صف سادس تخيلوا ومن القهر تحسبت ع ربيعه قلتله هذا صديق سوء مافيه خير يعلمك ع هالسوالف قعد يطالعني ويضحك اه يالقهر عنده برود فضيع؟؟؟
بلييز خواتي طلبتكم ساعدوني وصح ريلي الله يهديه مايحافظ ع صلاته ابد كله انا اقوله قوم صلى واذكره واهو لا حياه لمن تنادي واقوله صلاتك بتنفعك وربك بيسالك يوم القيامه عن صلاتك ونفس الحال احس بتخبل منه انا الحمد لله احافظ ع صلاتي وحتى بنتي اطرشها تقوله بابا قوم صلى يقولها ان شاء الله ولا يقوم قاعد ع هاللاب توب يلعب ورقه ولا يقوم مدمن لعب ورقه كله فغرفته يلعب ورقه عاللاب توب حاولت بكل الطرق مافاد ارجوكم ساعدوني لو عندكم حل وع فكرة انا ساكنه فبيت اهله بس للاسف حتى اخوانه مايحافظوا ع صلاتهم احسهم ماتربوا ع المحافظه عالصلاه للاسف انا اقول لعيالهم الصغار قوموا صلوا مع ان المسجد لازق فبيتهم والله يهديهم ويهدي ريلي اهم اهلهم مسؤلين عنهم بس ريلي انا واجبي انصحه دوم بس ماقادرة عليه بليز الي تعرف طريقه تخليه يبطل تدخين ويحافظ ع الصلاه تخبرني لان الي بايدي سويته وفصلاتي ادعي ربي يهديه والله المستعان
الله يعينج ويهديه
ماعرف شو اقولج
الله يهديه ان شـــــــآءالله و يودر هالتدخين..
الله يهديه ويصلحه
اللهم يارب يهديه امين امين امين
الغاليه اهم شي هو من داخله يبي يتغير تمي وراه ناقسيه بامور الدين اممم اساليه في الدين عن معنى ايه حتى لو كنتى تعرفين ما عليه
اممم قبل لا تنامين افتحي سورة البقره وناموا طبعا قصري الصوت
قومي قدامه وصلي وعلمى بنتج قدامه على الصلاه وقولي لها وهو يسمع يالله لازم تصلين مثلى انا وبابا نصلي احرجيه قدام بنته
يوم في السياره خليه يفتح الاذاعه القران وانتى وياه
مثلا اذا سمعتى بعيد الشر حد مات اوشي قولى له الله يرحمه ان شاء الله بس كان يصلى عشان ما يتعذب بالقبر وان الله يرحمه
اما من ناحية التدخين الغاليه التدخين شي صعب ومو سهل يودره لو ما كان يبي فيه حل مثلا يوم يرد من الدوام خلج حزينه وقولى له بنتك طول اليوم تسعل كله من السجاير الى تدوخها
تعرفين مره سمعت طريقه فتحت السجاير وطلعى الى فيه وحطيه في كوب ماى وقولي له شربه صدقيني لو شربه بدون ما يعرف شو الى فيه بيكره التدخين
ما اعرف هذا الى سمعته
الله يعيينج ..
جآن الآ ع التدخيين كلنآ والله .. انا ريلي يدخن ووآيد بعد .. بس الحمدالله عمره مآ دآخ عندنآ كله برى البيت ولآ في الحمآم عزج الله .. ودوومي انصحه ومآشي فآيده .. احس هالشي يبى نيه من نفس الشخص ..هب منآ من اقوله خلهآ او حرآم بخليهآ .. لآ لآزم هووه يعزم بآرادته ..
امآ عن الصلآه حرآم مآ يصلي .. اول مآ يسأل علييه العبد .. واحس انتي بريتي ذمتج .. قلتيله صل بس مآ يطيع ..
مآ لج الآ تدعيله ..
الله يهديهم ويخلوون الزقآره ..
الله يهديه يارب