رحلتي الى فندق المنزل في دبي بالصور وبالتفصيل الممل

شحالكم وشخباركم

مثل ماعودتكم بين فتره وفتره انزل لكم موضوع واليوم موضوعي عن زيارتي لفندق (( المنزل )) في دبي ..

وهاي كانت اول رحله وياهم من عرست الى فندق في المرسى في ها الرابط ,,

http://forum.uaewomen.net/showthread.php?t=402667

والحين ثاني رحله وياهم الى فندق المنزل وان شاء الله اليايات اكثر واكثر بس دعواتكم الله يخلينا حق بعض ولايفرقنا يارب

بقولكم عن السعر الليله كانت في فندق المنزل بـ 450 درهم للغرفه ,,

وفي ها الرابط اللي يبا يحجز من موقع Booking بس عليكم تغيرون التاريخ وبيطلع لكم الاسعاار

http://www.booking.com/hotel/ae/al-m…r_month=-5

************************************************** ********************************
أهدي ها الموضوع لــ بنات ّّالملتقى الخامس لمغتربات استرالياّّّ

فديتهن استويت ربيعتهن الحين

************************************************** **********************************

والحين ببدا التقرير وبالتفصيل الممل ,,

صورت لكم الصور بكيمرتين وحده (( Canon 450 D )) ووحده (( Kodak 12 ))

المهم تاريخ 1 / 5 / 2024 يوم الجمعه الساعه 2 الظهر طلعنا من البيت متجهين الى دبي ,,
وهني وصلنا الفندق

وهو فندق 4 نجووم

وهاي قائمة الاسعار اللي كانت في الريسبشن (( ع فكره الاسعار في موقع Booking ارخص بوايد ))

استقبلونا بعصير التفاح

ديكوور الفندق وايد حلوو

استلمنا الكارد (( مفتاح الغرفه )) و3 الغرف كلهن في الطابق الثالث

وهاي ارقام الغرف

والحين براويكم شكل الغرفه من داخل بس بخبركم اول كيف نظام الغرف (( الغرفه واااااايد حلوه وديكورها احلى بس الحمام غير يعني الصور بتوضح لكم اكثر بصراحه الفندق وااااايد حلوو للعرسان او المعرسين يعني انا اشوف انه ما يناسب عوايل لان ماشاء الله الصغاريه مايخلون شي في حاله ))

انا صورت لكم غرفه وحده بس من الداخل وبكل تفاصيلها والغرفتين الثانيات كانن نفس الشي بالضبط بس الفرق ان الشبريه ها شكلهاا

والحين براويكم الغرف مطله على شوو

اول غرفه مطله على ها المنظر

ثاني غرفه مطله على ستار بكس

وثالث غرفه مطله على فندق (( The Address ))

وفتحت الدريشه اللي في الممر علشان اصور حوض السباحه والفندق من تحت

صوره اقرب

هاذا مكان اللي يشربون (( شيشه )) والريحه الفليل في ها المكان تلووع بالجبد من الشيشه

نزلت تحت واول محل صورته ها

وفي كم محل بعد مثل (( صيدليه ،، سبينيس ،، التعليم المبكر ،، آلدو ،،The sultani ،ومطعم ايطالي Morzano ، …..الخ ))

ودخلنا من ها الممر وها المحلات اللي موجوده هني

وطلعت من الفندق برع وتمشيت شويه وشفت ها النادي ودخلت اصوور

وعندهم (( جيم وحوض سباحه ))

بس بقولكم وين ها نادي المنزل مكانه في ها المبنى يعني متلاصق ويا الفندق

المهم الساعه 6 المغرب طلعنا الفندق شوي نرتاح ونلبس الصغاريه وسرنا نتمشا تحت متجهين صوب (( دبي مول )) بقولكم ان دبي مول يبعد 5 دقايق مشي عن الفندق

ها شكل برج دبي المغرب

ونحن نمشي في كان كوشكات صغيره يبيعون ملابس واكسسوارات

صورت لكم صورتين ابين لكم المسافه بين الفندق ومركز دبي مول

ها الصوره فيها الفندق

وها دبي مول

خطفنا على فندق The Address

وصلنا مركز ( دبي مول ) وتمشينا فيه لين الساعه 7 المغرب صح ساعه وحده بس ملينا والله ماعرف ليش ابدااا ما ارتحت فيه ولان قبل سرت الاكواريوم واستكشفته فقلنا ماله داعي نلفه كامل بس المهم نصلي المغرب فيه وبعدين بنطلع وبنكمل المشوار بس صورت لكم كم محل فيه

وكان في عرض تحت

وكان زحمــــــــه وااااايد في ها المكان والسبب ان الناس تصور برج دبي

وتمشينا شوي في ها المكان والجوو كان وايد حلوو غير ان المكان روووعه والاجواء احلى المهم تمشينا وخلصنا وردينا الفندق يوعااانين وطبعاا (( ابويه الله يحفظه )) حجز لنا طاوله في المطعم الايطالي اللي في الفندق ،، ع الساعه 8 ونص سرنا المطعم اللي في الفندق

وهاذا طلبناا

وبس كلنا والحمدلله الاكل كان لذيذ والله (( انصحكم للي يحب الاكل الايطالي يجرب المطعم )) وتعشينا وخلصنا وسرنا نرتاح في الفندق

بس انا نزلت شوي سبينيس علشان آخذ حلااوه قلت يمكن امووت يوع الفليل وماحصل اكل خخخخخخخ لاتخافون مب متينه انا وزني (( 44 ))

ها شكل سبينيس من داخل

وها مشترياتي