بنات الحمدالله والشكر ولادتي كانت بطلق يوم الجمعه 11-4 ويبت سارونه فديتها ….وربي رحمني من دعوات أهلي ودعواتكم خواتي ….
والحمدالله ما احتجت خياطه فما سويت الخياطه التجميليه بعد ،، أحين أنا ما سويت اي شي اللهم اني ربطت بطني وبس ،، ما أعرف شو أشرب غير الحبة الحمرا،،،، ،، وما اعرف شو أحط يعني عشان انظف عمري من داخل عدل وعشان اضيق المكان،، و أريد شي يخوز الكرشه ،، يا ريت اي وحده تعرف شي أو تعرف روابط تتعلق بالموضوع هذا تساعدني وتحطلي الرابط …
ختيه اول شي مبروك وتستحقون السلامه انا عني اشرب حبه حمراء فيا حلبه وعسل
وايلس في ماي احر عن الدافي بشوي فيا ملح واكل رهش او طحينيه اللي فيا فستق زين للحليب يزيده واتمنى
ان خاواتيه يقولن لج اشياء زياده والسموحه
عشان التضويق سوي تمارين كيجل وبعد تمي اشفطي بطنج واشربي كله دافي تحذري من البارد ولازم اتدفين جسمج تتحذري يدخله برد وكثري من شرب حبه الحمرا لمده اربعين يوم والجرفه
((المشد ابعدددددددددددددي عنه لانه يرهل جيبي شماغ وفكيه وحطي فيه كرتون مستطيل كبير شوي على قد بطنك
بعدين لفيه في الشماغ واربطي بطنك بقوووه ولاتفكينه الا اذا جيتي تنامي واذا بتنامين فيه بعد يكون احسن
اهتمي باكلك زيييييييييين يعني لاتجوعين ابدا ابعدي عن الحوامض
كثري من الاشياء الساخنه والحاره الدارسين والزنجبيل مره زين))منقول
ببشوفلج نظام فيافي وايد يمدحونه
الف الف الف مبرووووووووك الغاليه على ماياج
طبعا اول شي نحن عندنا الي اتربي تقريبا تيلس 7 ايام اتحاول ماتتحرك من مكانها
واتحط حصى اتسخنه واتلفينه بفوطه وحطيه على بطنج تحت
وكثري من الاشياء الحارة مثل الحبه الحمرى وحليب بالزنجبيل وغيره واايد شغلات
طبعا تيلسين فماي فيه ملح يعني لمدة ربع ساعه تقريبا
وعن الكرشه لاتشربين ماي واايد كثري من الشاي والقهوة والعصاير واذا بتشربين ماي
اشربيه فكوب صغير ومايكون بار
وحاولي دوم اتكونين دافيه وماتبردين لانه مب زين
وان شاء الله عاد اكون فدتج فشي مع اني انا مش متزوجه بس دوووووم
يوم ايربون عندنا اختي ولا حريم اخواني اجابلهم واجابل البيبي
وطبعا هاي عادات العيم عاد ماادري اذا استوعبتي الموضوع ولا لا
واي سوال فالج طيب يالغاليه
والف الف الف مبروك مره ثانية وتتربى فعزكم انشاء الله
الف مبروووك والحمدالله على السلامه حبيبتي
ألف مبرووووووووك حبيبتي على سارونة تتربى ف عزكم ان شالله
وهذا تراه اسم الغالية بنتي…
وانشالله تغمر حياتكم بالسرور..
شوفي هالرابط إن شاء الله يفيدج