رايكم ونصياحكم أخواتي العزيزات .~

السلام عليكم والرحمه
مساء الخير صباح الخير
شحالكم عساكم بخير ومبرووك عليكم الشهر مقدما
خواتي بغيت اعرض لكم مشكله ربيعيتي الله يذكرها بالخير
الله يسلمكم متزوجه من سنه وشهرين لكن وطبعا زواج تقليدي … حياتها عاديه ولا كنآآها متزوجه ما تحس بلذه وبطعم الزواج والمسؤووليه ولا الحب ولا غيره ريلها ابد ابد ما يهتم فيها كله اسلوبه بارد ولا يطلعها ابد بس سافرت شهر العسل وبعدينن خلاص من البيت لبيت اهلها واهله
وطبعا وهي تدرس فجامعه وطول الأسبوع محد بس تكون موجود يومين وتروح بدت تضايج وايد والحين كله تروح عند اهلها تبات بالأسبوع والأسبوعين وترجع عند ريلها تحسه ما يحبها و ما تعرف تتفاهم وياه ولا تحس باتجاهه شي وهو نفس الشي باررررد حتى البيت ما يقعد فيه كله برع يرد ينام ويطلع
بغيت نصايحكم خواتي

أعتقد الحين ماشي جامعه
فرصتها هااي الاجازه
لاتسير بت اهلها تبات ولـا شي
تقر فبيتها
والله يوفقهم لبعض

المشاركة الأصلية كتبت بواسطة ضياء الايمان

أعتقد الحين ماشي جامعه
فرصتها هااي الاجازه
لاتسير بت اهلها تبات ولـا شي
تقر فبيتها
والله يوفقهم لبعض

مشكوره اختي
صح كلامج بس البنت طفرت كله اتم بروحها فالبيت
وهو محد فتروح عند اهلها عشان جي من الضيج وحياه الكئاابه الي عايشتنها فالبيت

الله يعينها

ذكرتني في أول أيامي كنت أروح الجامعه أسبوع والويكند بس وياه وما كنت أحس حياتـي الها معنى كلها ملل لدرجة أنه روحه يقول لي اطلعي ويا أهلج وباتي عندهم وكنت أحس بنفس إحساسها بعد أن ريلي ما يحبني حتى أني كنت أسأله انت تحبني ؤلالا!! .. بس مع الأيام من حملت عقب 6 شهور من زواجي عقب شوي شوي بدت حياتنا تتغيير وقمنا نسولف عن البيبي وجي .. بس الصراحه أنا إلي بديت أول بكسر الروتين وغيرت حياتنا .. يعني هي لاا تتريا منه شي خليها تبدأ بالأول أحسن لأن هي ما تعرف شو تفكير ريلها إحين يمكن هو حاس بعد نفس الإحساس إلي حاسه فيه أنها ما تحبه وجي

واللـه يوفقهم أن شاء آللـه..

مشكورين الغاليات عالردود
والله يسمع منكم انشاء الله ويتغيرون للأحسن

ليش ماتشوف لها جامعة قريبة منهم وتروحها؟! صعبة اتم اسبوع بعيد عن بيتها

والله يوفقج