راعية القلب الحنون تدخل موضوعي :( ظروري ظروري عن الكليه

شحالكم عساكم بخير ونعمه ..؟؟

المهم بدخل فالموضوع مابطول عليكم ,,

معقوله زيادة الاسعار هذي حتى على الطلاب و الطالبات؟؟

المهم السنه اللي طافت كنت اسير فباص لانه الكليه موفره لنا المواصلات وبما اني من دبي وقريبه للكليه ف كان المرسوم للباص >> 280

وهالسنه انصدمنا انه زادو علينا الاسعار الين 1200!! .. يعني مب حرام ؟؟
لو وصلوها 400,,500 بنقول تهووون مب مشكله .. بس 1200!!

بس الكليه مب راضيه بهالشي وللحين يدورون شركات أرخص وماشي مواصلات فالكليه حالياً واحتمال مايحصلون >> يعني اللي ماعندها حد ايبها ويردها تيلس فبيتهم

واللي ماتقدر تدفع 1200 بعد تيلس فبيتهم..
في وايد ناس على قد حالهم حرام يضيع مستقبلهم على شغلات شرات هذي والله ..

المهم سؤالي هو.. نبغي نأجر باص من برع الكليه بسعر أقل ونحن بندبر بنات على قد حالهم عشان ماتضيع عليهم السنه لانه صدق في بنات ما يدامون والسبب مب محصلين حد ايبهم ويردهم وعاد الاساتذه ماترحمهم من الابسنت ..

فبغيتكم تقولولي كيف أأجر باص من برع او اذا حد منكم يعرف مكتب او اي مكان يأجرون وبسعر معقول تفيدني .. وانشالله بيكون في ميزان حسناتها (( ان الله لا يضيّع اجر من احسن عملا))..

والسموحه منكم ..