مادري اذا هالمكان هو المكان هو المناسب ..
بس اباكم تناقشوني انا انسانه اتكشخ وبالعكس دوووووووم اتكشخ ..
يعني احب الترتيب .. بس المشكلة الكبيرة هي :
اكون مرتبة بس وايد قالولي لو تكشخين اكثر …
>< يعني انا اتكشخ عادي ..
ومب الكشخه اللي تعيب ربيعاتنا وجي ..
فخبروني شو اسوي وكيف تتكشون ..
وشو الستايلات اليديده انا ما اعرف وايد ><
وهي كيف تعرفون شو يديد الموضات ..
و شو اللي داق سوقه عند البنات
تراني ما عندي صديقات وايد .. ولا اظهر فكيف اعرف ؟@@
النت حبيبتي ما يقصر..تفرفري فيه بتشوفين العجب..!!
بتشوفين الالوان الدارجه والقصات واللبس..
بس انا من راي خلج مثل ما انتي بس تماشي مع الموضه باللي يناسبج.. لا تاخذين على كلام البنات..
ارضاء الناس غاية لا تدرك..
المولات ما اتقصر والنت يكففففففي ويووووفي
هلا حبيبتي
فديتج الناس بس تبي تمشي كلامها
بعطيج مثال
في وحده قبل ما تزوج تحب تكشخ و تتعدل وين ما كانت و لما عرست خذت ناس يحبون الكشخه وااايد
و هيه ما كانت تكشخ واايد لان حميانها موجودين و حطت في بالها ( الله ثم زوجها و مراعاة لمشاعر حريم حميانها )
بس المشكله ان حريم الحميان مع حمياتها تم يتفلسفن ، انتي عروس و لازم تكشخين و لاخره من الكلام
فقررت اتسكتهم و رجعت تكشخ مثل قبل ( ع فكرة واايد تحلو بعد ما تتكشخ ) و اقسم لج بربي انهم الحين وااايد مضايجات بسبت هالشي ,, شفتي الناس كيف ؟!!!!!!
حبيبتي ..
الكشخه يبالها تعب ما اقولج ما يبالها
اهم شي ذوقج يكون حلو ، و اذا ما كنتي تعرفين ادخلي المنتدى و اكتبي الللي تبين تعرفينه
مثل المحلات اللي تبيع اشياء حلوه و من هالسوالف
الكشخه مب معناته فل ميك اب ، الكشخه بودره هااديه مع كلوس خفيف و بلشر و جحل هذا في الويه
تسرحيين شعرج ، لان الشعر هو اللي غير الشكل ( و الشعر يباله مجهود اللين ما تضبطينه )
ماشالله في بنات و بالاخص بنات الكليه استايلاتهن في الشعر خياااال
و لا تنسين الاكسسوارات و حاولي كثر ما تقدرين اطقمين
و راعي في كل شي رضى رب العالمين
احبج في الله
lما قصرتن
هلا اختي انا في التقنية بس انا داخلة بنك نيم ماما ههيهيهيهي
و اقولج اول شي خلي ستايلج يناسب عمرج يعني لا تضحكين العرب علييج مثل ما قمنا نجوف بعض الحريم الله يهديهن !! خخ
و ثاني شي كل ما كنتي انيقة كل ما كنتي كاشخة !
اهتمي بالشعر اكثر لانه هو الي يغير شكلج و المكياج ما عاد مثل اول الووكات الحين كله الناتيورال لووك بس عاد مب جلحة ملحة مثل ما قالت الغالية العضوة غير الناس و خلي مكياجج مضبوووط و جذاااب ! و بما انه نحن في الصيف سوي بروونز او تان احسن ^_* و القلوسات ردت موضتها بشكل رهيييييب في عروض الأزيااء !!
اما في اللبس طبعا على حسب المووضة و اذا تبين تعرفين الموضة تابعي يديد المصممين و عارضات الأزياء و مواقع المصممين و اهم شي تابعي خطوط الموضة و الفاشن وييك في لندن و لبنان و غيره و خلج جريئة في اللبس !!
و الشوزات طبعا الكعب هو الأهم و دايما موضة و على حسي طوولج يا لوو هيل و لا هااي هييل و ممكن البلرينات او الصنادل او البووتات بس طبعا في مواسمهم و ويا الثياب و الي تناسبهم وعلى حسب المناسبة الي انتي بتسيريلهاا !!
اما بالنسبة للأكسسوارات احين بالقو نازلة النك لساات ( القعوود )الكبيرة بدون الأيرينغ طبعا (شغاب) !!
و اكيد لازم بريسلت (حيل !!) او خاتم و اكسسوار الشعر دايما مهم حطي هير باند (طوق كيووت) او فيونكة مع انها جدمة موضتها شوي بس لين احين مستهلكة و الورووود
و تسلمين و ان شاء الله اكون افدتج و السموحة ادري طولت >< !!
PS :: نصيحة كل ما كنتي واثقة من عمرج كل ما كنتي لافته و جذابة بأنوثتج مهما كان لبسج ^_* احييم اتمنى لج لوك شبابي و راقي على طوول لول
اهم شي اتكونين بسيطه وتعرفين كيف تبرزين جمالج الطبيعي لان كل ما كنتي طبيعيه كنتي احلااا
واتعرفين شو الملابس الي تلبسينها لهالمكان ولا هالمكان
اختاري الي يناسبج ويليق عليج من الموضه جوفي في المجلات والنت