ماعليكن امن راعيات البلاد خص هل البحر ممكن تخبرني بالتفصيل كيف اشوي سمج النيسر للضروووووووورة ؟؟؟
خويه حدق البارحة ويابلنا من هالسمج الزين وبشكارينا توهن يداد ما يعرفن للسمج … فديتكن لا تبخلن عليه ابا اعرف طريقة هل الدار علني افداها في شوي السمج بشكل عام وسمج النيسر بشكل خاص لا هنتن …
يالغلا مايباله شي
غسليهم عدل بس لا تنظفينهم بس غسيل
وعقب حطي عليهم كميه ملح واشويهم عادي ع الفحم
مثل ماقالت الخفاشه
النيسر ما يباله بهارات وغيره
بس ملح وعلى الفرن أو الفحم
مثل ما تفضلن الخوات
والاحلى بعد على التاوة يعني خصصي تاوة حق شوي النيسر وقبل ايتمون اجلبونه كل اشوي وايحطون كمن قطرة زيت يعني اشووووووووووووويه طشوووووووووووونه اللي تبينه بس علشان يعطي ريحه حلوة مع السمج
وكليه بالعافيه
مع انيه هب اكيلة سمج بس الوالد ربي يحفظه ما يصبر عنه ومقرر كل يوم
والنيسر يوم يشوونه ماله تبهيره غير الملح وحد من العرب يقليه بعد
اما الباقي لو تبين سمج مشوي مثل القباب او التبان فيتبهر وينحشى بحشوه عقب ما يتنظف
خواتي الخفاشه، 07 أم حارب 20، ام سالم و حديث الورد فديتكن والله انكن ماقصرتن لا عدمتكن ان شاء الله … ويعل ربي يرزقكن من فضله ويرضى عنكن دنيا وآخرة ….