السلام عليكم و رحمة الله و بركاته
شخباركن كروشاات و يا ماميييز ^^ عساكم الا بخير
المووووهيم عندي مشكله و ماعرف شو الحل
البارحه سرت عسب اشيك ع البيبي و قالتلي الدكتورة ان راسه فوق و لا زم ينزل فالسابع و ان الحين فالسابع ؟
ماعرف كيف ينزل و لا شو هي التمارين الي تخلي الراس ينزل و يثبت فالحوض ؟؟
و حد مر مثل هالموقف ؟؟
عااااادي فديتج لا تشيلين هم ,,,, بس كثري من الدعاء وربج بيسهل
واذا تعرفين حد يمسح زين بعد امسحي .. انا للاسبوع 39 و راس البيبي فوق
بس ربج كريم لما رحت احدد وقت العمليه تعدل وضع البيبي والحمدالله …
ربيت طبيعي والحمدالله بدون ويع وما خذت حتى نص ساعه من دشيت المستشفى الا والقمر عندي ..
رحمة ربج فوق كل شي ,, لا تخافين ربج بيسهل
تحياتي لج..
طولي في السجوود قصلالاتج..
وعليج بالحبي
بنت رفيعة
عادي فديتج
ساعات البيبي ينزل راسه في آخر اسبوع من التاسع…
صح نسيت بعد مثل ما قالت اختي سمو البرنسيسه طولي فالسجود و يوم بتمشين امشي مسافات طويله ومشي سريع مب شوي شوي و عقب حاولي جنج تركعين … انا اليوم اللي ربيت فيه فيه مشيت اكثر عن 7 كم تقريبا والحمد الله ربج سهل ..
انا نفس حالتج من اسبوعين رايحه المستشفى وقالتلي الدكتورة ان راس البيبي فوق وخفت
وعطتني تمرين شرات السجود انج تسجدين بحيث يكون صدرج ملامس الارض تقريبا وركبج شديها ناحية صدرج وتمي دقيقتين فكل تمرين … صح انها متعبه بس والله نفعت معاي اليوم رحت اراجع وقالتلي الحمدلله راس البيبي نزل وكان استااانس لانها خوفتني قبل بالعملية …
شدي حيلج وربي يسهل عليج
الحمدلله ريحتووني الله يريح بالكم كل يوم ان شالله هههههه
و الله كنت زايغه مابغي القيصريه ههههههه
الله يسهل و يهون علينا و عليكم يااارب