راحة البال من وييين؟

السلام عليكم حبيباتي
انا محتاجة النصيحة اريد راحة البال
عمري مافكرت في يوم اني بتعرض للخيانة من زوجي الحبيب زواجنا كان تقليدي ماعرفته قبل الزواج توكلت على الله وقلت نصيبي
عندي الحين اولاد وتفاجأت أو فاجأني هو بأنه كان متزوج زين ليش ماخبرتني من أول تدرون ليش لانه عنده ولد وما كان يدري الحينه قالت له عقب ماكبر الولد وعلى قولته تفاجا بالموضوع
عاد انا ضاقت فيني الدنيا وكرهته وكرهت حياتي معاه صعب تكتشفين ان حياتج كانت كذبة
حاول يصلح الامور ويراضيني حتى انه بكى وحلف لي انه ماكان يقصد يخدعني طلعت يابنات من هالصدمة متزلزلة مرت ايام واكتشف انه على علاقة بهذيك المرة ويتبادل معاها المسجات انا بنفسي شفت مسجاتها الوسخة والله يابنات انصدمت كيف تكلمه بهالطريقة وشو نوع العلاقة بينهم قامت الدنيا وماهدأت وصابني انهيار عصبي لانوم ولااكل الأكل كنه علقم وحتى شوفته كرهتها واهملت عيالي
وماحد من اهلي يعرف انا مااريد احد يدري الصراحة هو خاف علي وايد وتم معاي يحاول يطلعني من اللي انا فيه وانا اقوله مابقى غير الطلاق انت خاين اللي قاهرني ان العلاقة من مدة طويلة وانا ياغافلين لكم الله اداري البيت والعيال وطلباته والله يا بنات ان حتى زيارات ماعندي همي راحته وراحة عيالي. حلف لي انه ماخاني وان المسألة مجردرفع معنويات لها لانهامريضة حيل ومتعلقة فيه وايد حتى بعد كل هالسنين!. ودي اعرف شو كان يقول لها ماحصلت رساله وحدة من رسايله لها وحلفت له ان كان يراسلها نفس وساختها ابتطلق منه على طول وما عاد يهمني شي كفاية
عشان مااظلمه هو يقول ويحلف لي انه ماعاد يكلمها وحسيت بندمه وحبه لي وانه مابيفرط فيني ولو اني ساعات اشك انه يكلمها والله يا بنات ودي ارتاح حتى النوم ماارتاح فيه كله كوابيس ودايما اتخيلهم مع بعض خصوصا لما يجي ينام معاي انا تميت فترة طويلة ماانام معاه بغرفة وحدة الحين الامور احسن لماشفت صدق مشاعره ماادري شو اسوي مو قادرة اتخلص من افكاري اخاف يكون يتذكرها او يفكر فيها وهو معاي بنات ساعدوووووني

ان شاء الله الخوات يفيدونج !!!!!

الصراحة يا اختي ..

و يصلح بينج و بين زوجج ..

الله يفرج همج يارب

الغالية ادريبه ريلج غلط
وادري انج مجروحة
وادري ان نفسيتج بالارض
ربي يعينج ويصبرج
ولكن
معقولة بتهدمين حياتج عشان وحده مثلها
معقولة انتي اللي تعبتي وبنيتي وكديتي وغيرج يحصله بالساهل
لا تعطينها الفرصة عشان تدخل بينج وبين ريلج مرة ثانية
بشكج فيه ونكدج واعراضج عنه بيكون لقمة سهلة لها
وهي بتكون اول الشامتين فيج
خذي كل الضمانات اللي تبينها من ريلج
واجهيه وطلعي اللي بخاطرج
بس عقبها لازم تطوين هالصفحة
ولا عاد تفتحينها
لان الحن والنكد بيفتح عليكم باب الشيطان
وانتي اللي بتخلينه يسير بهالدرب مرة ثانية
والحمد لله انه اعتذر وندم
فديتج غيره يقول لحرمته يوم تكتشفه يخونها شو ترومين اتسوين
وخلي همج على الواحد القهار
هو الوحيد اللي ممكن يظهرج من الشك والحيرة والحالة النفسية اللي انتي فيها
كان الله في عونج

اختي الطلاق مب حل انتي فكرتي فنفسج وبس انزين وعيالج
اتذكري ايجابيات اتذكري الاشياء الحلوه اللي كان يسويها عشاانج
أختي معظم الرياايل خوونه وماعندم ذره ووفاا بس الوحده بذكااائها
تقدر ترجع ريلها لحضنها يااليت تقرين قصص ناعمه الهاشمي بتحسين
انج فنعمه ع الاقل ريلج حاااس بغلطته في رياايل مستحيل يعترفوون
كبري عقلج ولااتخلين هذيج تاخذه منج والله يهدي النفوووس

يعينج الرحمن غناتي
والله يهديه ويسخره لج
لاتستعيلين في الحكم عطيه فرصه