السلام عليكم و رحمة الله وبركاته
جيف حالكم ؟
ممم بدش فالموضوع دايركت
ماعرف بشو ابدا هه
المهم انا بعدني بنوته و مب معرسه
والاهل الله يخليهم احس عقدوني من الزواج
بس حبيت اسألكم يعني و جيه
دوم يقولوون الريل بيذذلج ذذل و احمدي ربج احينه انتي عايشه ف عززز
وعقب بتمنييين تردين بيت ابوج
غير ها يقولون انه الريل وااايد يتحككككم و بتكرهين حيااتج
و عقب صدق بتكون عندج هموووم و مابتقدرين تقولين لامج
لنه اكيد بتحاااتييج و جيه
ف احينه من يستويبج شي يعني خبري امج وفضفضي
و ع فكره اناا وااايد استحي من هالطاري و لو طرو العرس
اسسسكتتتتت ولا نص كلمه
ومووول ماارمس عن هالسوالف
ومادري يعني ليش هالرمسه
ها من صووب و ربيعتي تقوول اهلج يبون يعقدووونج
وكل ربيعاتي المعرسات عايشاات حيااتهن
لا هم ولا بطيخ و سمعي رمسه اهلج من صوب و طلعيها مالصوب الثاني
احينه بسألكن يا المتزوجاات
منوو الصح فيهم
و السموحه طولت عليكم
حبيبتي..انا عرست من سنتين تقريبا^_^..
اللهم لاحسد..والله لايفرقنا ان شاء الله..يوم اسأل ريلي شو احسن ايام الملجه ولا الحينه..
يقولي الحينه..اقوله مليت مني..يقولي جني توني معرس..الحمدالله والشكر لك يارب..
على حسب الحرمه..تقدر تكسب الريال بخبرتها وعقلها..ومنو قالج هالخرافات..
لا فديتج..اهلج غلطانين..انتي اتكملين نص دينج بالزواج..
والمهم انج تختارين اللي يستاهلج واهم شي دينه واخلاقه..
الله يوفقج الغاليه باللي فيه الخير..لاتتحرين الزواج سجن ومثل ماذكرو اهلج..
انا مابقولج مستحيل تستوي المشاكل..لازم بتستوي مشاكل..بس العاقله اللي بتقدر اتسيطر ع الوضع..^_^
للرفــــــــــع
يقولون هم ونكد..
الله يوةفقج
شوفي الغاليه
الحياه الزوجيه تتغير من شخص لشخص ثاني
ولا عليج من كلام ربعج ولا من كلام اهلج
الحياه الزوجيه اساسها انتي ومفتاح سعادتج بايدج
بس اهم شي … اتكونين متفهمه لمتطلبات الزوج والحياه الزوجيه
الله يوفقج غناتي انا بعد بنوته مو معرسة بس حبيت اقولج مافي شي ييب راحة البال والسكينة غير الستر وتكملة نص الدين انا اشوف بعيني شكثر الحريم والرياييل مرتاحين وهاله عليهم السكينة فديتج هالكلام موصحيح
الله يوفقج ويسعدج ان شاء الله ويجمعج بنصج الثاني
ادعيلي الله يرزقني بالزوج الصالح عاجل غير اجل
ختج : رزينة بطبعي