دشي ضروري و راح ترتاح نفسيتج صدقيني يا حلللللوه

لا تنسين دوم الحمد والشكر دوم على النعم اللي انعمها لنا بها ربنا

1 -انتي تقولين أذكار الصباح والمساء كل يوم يمكن يوم هي وعشر لا

هذا اول غلط

2 -تقرين قرآن حتى لو صفحه باليوم اكيد جواب مب دوم عيال وبيت ودوام تراج ادشين النت بدل مادشين تكتبين مشكلتج وتابعين كل يوم الحلول اقري كم صفحه اخير لج

3- تصلين قيام الليل لو مره بالاسبوع بتقولين ماروم انش وماعرف شو
اصلا جربي تنشين وتصلين راح بتحسين براحه نفسيه عجييييييييييبه

هذا موضوع لاخت *أم الميث والشيوخ*
طريقتي في صلاه القيام … وقراءة سوره البقره …

هذا ثاني بعد حلو عن قيام الليل لاخت

تجارب حقيقيه مع سورة البقرة فى ركعتين بليل الساعه2

4 –تستغفرين
استغفر الله العظيم واتوب اليه
بتقولين انسى مشاغل دنيا

طريقتي بالاستغفار وايد سهله لا تقولين مسباح يفضل باليد اليمنى
اليد فيها 5 اصابع كل صبع فيه 3 خطوط في كل جزء قولي استغفر الله العظيم واتوب اليه 6 مرات يعني صار بكل صبع 18
6*3=18 18 ضربناها ب 5 اصابع = 90 باجي 10 قوليهم بخاطرج او بكل صبع مرتين

انا اسويها للاستغفار و سبحان الله بحمده

5- تتصدقين اتزكين
لا ماعندي عيل ترومين تشترين شي حلو لج لريلج لاربيعتج واهلج

على اقل 5 دراهم كل فتره عطيه لمحتاي تعرفينه او فريها داخل صندوق مال محتاين بتقولين هم ياخذونها لعمارهم حبيتي ترا نيه موجوده لا تفكرين بجانب سلبي خلكم دوم ايجابيييييييييين

6 –سرتي العمره الحج

لا يعني كشتات لبلاد برع ودول خليج اخير يعني وانتي راده من سفرتج اخطفي كم يوم اعتمري

7-اي شي حرام بعدي عنه

الشعر يوم ظهرينه برع
الميك اب
العطر
الكلام الحلو ويا كل من هب ودب
النمص تنتيف للحوايب
الحمام المغربي والحلاوه ( تقدرين انج تسوينه بروحج بالبيت بدل ماتخلين غيرج يطالع عوراتج او لو تيبينها البيت تسويلج بس مب اتشوف عوراتج)

من هذه الامور اللي ماتخلص

هذي دنيا ونحن اخر شي بنموت ومحد راح يسال عنا ليش مانتزهب لها باحسن مايكون عدنا ليش نشتكي ليش مانشوف ربنا شو قال لنا نسويه ونفكر فيه ونسويه

ليش كل همه بشي الا ريلي الا عيالي الا عمتي ومادري منو ومنو

ياختي طنشي شو بتسوين يعني بتصيحن نفسيتج بالقاع ليش كل هذا وماشي يستاهل حتى دمعه الا اذا كانت لرب العالمين ، اعرف ان نحن الحريم والبنات نمشي ورى عاطفتنا لكن نحاول نكون اقوى من جي عشان محد يحاول يستغل لحظه الضعف هذي

خواتي يوم انج قدرتي تسوين كل هذا وتذكرين ربج نزلي موضوع مشكلتج

عشان يواسونج مب يخلونج تعادين اللي سوالج المشكله

خاطري تسمعون كلامي وتسونه وتذكرون ربكم والله بيرتاحون وتعودون اهلكم على هذا شي بعد

أحبكم كلكم

ادعولي بظهر الغيب مثل مادعيلكم وياي

لا إله الا الله سبحانك اني كنت من الظالمين
لا حول ولا قوة إلا بالله ولا منجي من الله إلا إليه
رب اجعلني مقيم الصلاة ومن ذريتي ربنا وتقبل دعائي
ربي لا تذرني فردا وانت خير الوراثين
ربي اني لما انزلت الي من خير فقير
اللهم إني أسالك علما نافعا و رزقا طيبا و عملا متقبلا و زوجا صالحا
الله اني أسالك حسن الخاتمه والفردوس ان شاء الله