دخيلج لا تتركيني انا اباج لي واصبري علي <<الجزء الثاني

http://forum.uaewomen.net/showthread.php?t=700739

اشكر من علق على الموضوع وجعلني افكر بالموضوع واني ما اتهور

الغاليات …تفاصيل بااقي الحكايه

كنت ابي انهي علاقتي فيه ….ودقيت عليه عشااان استسمح منه

وابدا حيااة جديده ….لاني في خاطري منيب متاكده من حقيقه نيته

البارح دقيت علي اللي احبه وكنت جدا رسميه معه …حتى انه قال احسج منتي بالانسانه اللي اعرفها وش فيها نبرتج وطريقه كلامج متغيره …قلت له تكفى خلنا نتفق على شي ونلتزم فيه

قالي لبيه قولي اللي عندج ….قلت له فلاان ترى العرب اللي بيخطبوني تاريخ 11-5 بيسلموني المهر <<انا قلت له هالشي عشاان احط له عذر وانهي اللي بينا

قالي:: حلفي الله انج صادقه…قلت والله <<حلفت وانا كااذبه عليه

سكت وحاولت انهي المكالمه واعتذر منه لاني كسرت فيه شي

قالي : انتي ليش ما تصبرين علي شهر ..؟؟ …قلت مب بكيفي وش اقول لاهلي
وش عذري اني ارفض الريال اللي جااني ….قالي قوولي اني ما افكر بالعرس

انا ابيج والله ابيج واغليج

قلت اسمع يا فلان …حتى لو انت ما تبيني اهلك وش رح تقول لهم

قالي : بقول لهم اني اعرف اخوج وانه كفووو وابي اتزوج من عندهم

وقلت له ..واهلي انا وش اقول لهم …نااس جايين من قطر لا نعرفهم ولا يعرفونا ومن قبيله ثانيه وجايين يخطبووني بالاسم …بسالوني اهلي وشلووون عرفج الريال

سكت…قالي بندرب طريقه عشااان اخطبج بس انتي ارفضي اللي ياج

بكى وقلبي تقطع عليه …بس كنت مصبره نفسي وساكته ولا ابي ابين له اني ضعيفه والين له
عشاان كانت نيتي انهي العلاقه اللي بينا

قالي فلانه …لو يت اخطبج بروحي اهلج رح يرضون يزوجني .؟

قلت ما اضمن لك …لان حنا بدو واهلنا اكيييييد ما رح يزوجني واحد بدون اهله لعدة اسباب طبعا

قالي عطيني رقم حسابج …قلت ليش .؟؟ قال برسل لج 50 الف مهر كاثبات لج اني نيتي صافيه واني ابيج بالحلال ولا ابي غيرج

سكت …ولا عرفت وش اردعليه

قلت له مع السلامه وتم يزقرني وانا سافهته وبندت الخط

احس ان الامر تعقد واني صرت في دواامه كبيره

ااااااااااااه يا حرقه قلبي ….الحين وش اسوي يا بنااات

حاولت انهي علاقتي معه واركز على اللي متقدم لي ….لكن هو شاريني ؟

ويحلفلي يمين انه ما يقص علي ….لانه يبيني

خوواااتي ….انا ضعت ولا ضيعت عمري

قولوو لي وش اسووي ..؟؟