السلام عليكم ورحمة اللـــه وبركاتـــــه،،،
شخباركم بناااات ،، أن شاء الله تمام ؟
المهم حبوبات اليوم طبخت طبخه وهي : داوود باشا …شو ها الاسم … لووووول
المهم …أنا نقلت الطبخه من منتدى ثانــــي وقلت أجربها وأصور الكم …
يمكن تعجبكم وتسونها ،،،
صحن لحم مفروم
البهارات(ملح وفلفل اسود وفلفل احمر)
2 حبه طماطم
حبه بصل
4 فصوص ثوم
علبه كامله لصلصة الطماط
زيت للقلي
الطريقـــه:
اول شي انيب اللحم وانحطي عليه شوي ملح وفلفل أحمر وفلفل أسود
وعقب نخلط المكونات زين ما زين
وعقب تبتدين ادورين الكور كور صغااار
واتقلينهم بالزيت
واخليها على جنب واحط في الخلاط حبتين طماطم وبصله واربع فصوص ثوم
وعلبة صلصه وشوي ملح وفلفل اسود وفلفل أحمر وأخلطهم زين ما زين
نضع اللحم في صينيه ونصب عليها الخلطه ونخليها لين ماتغلي إشوي وعقب نحطيها في الفرن لين ما تتسبك
وأخيرأ،،،
مشكوره على الطريقه
تسلمين الغاليه على هالطريقه
والله يعطيج لعافيه ان شاء الله
وربي يوفقج يارب
تسلم ايدج على هالوصفة..
ريلي يحبها واااايد..
بس انا بدل ما اقلي اللحم اسويه بالبخار..
اخف من الزيت..
يعني.. احط كرات اللحم في المشخلة مال العيش واحطها فوق جدر فيه ماي يفور..
و تنشف كرات اللحم و بعدين احطه مع الصلصة..
هاذي الطريقة للناس اللي ما تبغي مقالي.. أو بالأصح اللي تسوي ريجيم..
تعودنا على الوصفات الصحية من كثر ما نسوي ريجيم.. هههه
تسلمىىىىىىىىىىىىىى
تسلم يمناج هنودة الله يعطيج العافية ..
تسلم ايدج