داااقني فسد فالطباخ بلييييز ساعدوووني

خواتي أنا ساكنه فملحق ويا أهل ريلي وعندي مطبخ فملحقي بس عفاني الله صارلي فتره ما اطبخ موووليه خاااصه من عقب ماربيت من سنه وشهرين تقريبا يعني اسوي ع الخفيف ولا اعلم الشغاله وهي تسوي
طبعا عموه الله يخليها اطرش لنا الغدا لأن نتغدا فالملحق روحنا والريوق حسب نوعه والعشا الأغلب اتعشا عندهم

المهم خاااطري اصير حرمه سنعه واطبخ ع الأقل اسوي ريوق فالويك إند يوم يكون ريلي موجود
والغدا يعني اجرب بالسنه اسوي كمن مره واضبطه الحمدالله بس بعد اتعايز
والعشا ماعرف شو اسوي عشا خفيف لازم سوالف المعكرون والبشاميل أو الكشري وريلي مايحب هالسوالف يحب سوالف الصالونه والمشاوي وأنا اصتصعب هالأشيا

دخيييلكم ساعدوني وعطوني مقترحات حق الريوق والعشا يكون خفيف وسهل
خذو اجر فيني يمكن اصير حرمه راعية بيت ع إيدكم

يعني حق الريوق عندي طريقة خبز الخمير والجباب ولقيمات والبلاليط بس ماجربت ولا طريقة فيهم

عطوني اقتراحات ثانية للريوق والعشا ويا المقادير الله يجزيكم خير إن شالله

الصراحه انا ادش المنتدى واشوف الوصفات ومشالله البنات مبدعات فالمنتدى …
كل مره اخذي وصفه وطبقيها …

الريوق:: حاولي مادسمين فيها يعني ممكن اتسوين سلطة فواكه تراها حلوه وخفيفه عالريوق ولا ممكن اتسوي كرواسون وشوية سندويجات خفيفه ( بيض مفور ولا مقلي ) ولا سندويجات جبن …

الغدا :: هالوجبه لازم تتهتمين فيها اكثر يعني انتي ادا ماتعرفين اتسوين صوالين وهالسوالف ممكن اتسوين عيش ابيض واتسوين دجاج ولا سمك محمر وشوية صلصه ,,, يصير بعد اتسوين بشاميل ولا محاشي يفضل عالغدا احسن من انج تسوينه عالعشا ولا تنسين اتبدعين بشوية سلطة ..

العشا يعني لازم يكون لايت واخف شي سوي سندويجات وتقدرين تستعينين بالخبز الفرنسي وايد حلو عالعشا
سوي سندويجات مرتديلا ولا سندويجات دجاج مشوي وولا سوي كفته وشوربه …

اللهم لا تذرنى فردا و انت خير الوارثين

المشاركة الأصلية كتبت بواسطة أم قتيبة18

وانا أتريا شراتج*^^!

مشاء الله الحال من بعضه خخخخخ