.
خواتي جزاكن الله الجنه
بسألكن
انا ابا أسوي ليزر حق ويهي للعرس
لأني من النوع الشعراني ووايد شعر في ويهي وريولي وأيدي
لكن قلت الباقي حلاوة مب مشكله
إللي مجربه الليزر تنصحني فيه ؟
ساعدوني الله يخليكم؟
ووين أحسن مكان فالعين ممكن أسوي فيه الليزر ؟
انصحج فيه وانج تبدين من الحين ..
لان الليزر ما يخف من اول جلسه يباله كمت جلسه عشان يخف ..
واول جلسه بتحسين ان الشعر طلع بعد اسبوع تقريبا بس مع الجلسات بتحسين براحة صراحة ..
جربيه وما بتندمين ان شاء الله بس سويه في مكان مضمون شغلهم فيه
والله يوفقج يا رب
تسلمين فديتج
وما قصرتي ريحتيني
يزاج الله خير
^_^
أتريا حد يعرف مكان زين يا بنات لا تبخلن علي
انا اليوم سايره مسويه ليزر……….
الحمدلله الشعر اللي في ويهي وايد أخف عن قبل …………..
.بس لا اتصيرين شراتي وتندمين………خبرتهم يسوون لي الليزر لمنطقه معينه في ويهي…….المهم كانوا يشخطون ويهي بالموس من دون ما يراعون ان بعض الاماكن ما فيها شعر……………..عقب فتره بدأ الشعر يظهر في المناطق اللي ما كان فيها شعر 
بس تدرين الليزر راحه من الخيط والشمع والحلاوة……….على الاقل ما يظهر الشعر لمدة شهرين او اكثر……..واذا ظهر….يكون خفيف
أنا من النوع الشعراني و الشعر كان يظهر فويهي شرات الرياييل شارب و لحية لكن يوم سويت الليزر و من زمان بديت الحمدلله ألف الحمدلله اختفى الشعر و مايظهر لي إلا الوبر و بس..
و ألحين بديت أسوي ليزر كامل للجسم ماعدا مناطق العورة.. و الحمدلله جدا مرتاحة و الشعر من فترة ماظهر لي من أول جلسة..
أنصحج تسيرين عند مركز سمحية لطفي (إخت سعاد لطفي) بصراحة اسلوبها حلو وايد و تعاملهم واااااااااااايد أوكيه و عندهم مميزات منها:
عندهم 3 أنواع لليزر..الليزر العادي و الليزر الضوئي الأحمر و الليزر الثلجي و طبعا أحسن نوع الثلجي لأنج ماتحسين به أبد و بالعكس تحسين و كأنه ثلج يتكسر على ويهج واااايد أوكيه
و الميزة الثانية إنهم يقولون لج تعالي بعد 10 أيام من الجلسة عسب تسوين Touch up و بلاااااااااااااااااااااش … و أسعارهم وااااااااااااااااااااااااااااااااااااااااااااااااي د أرخص عن باجي الأماكن يعني الجسم كاااااااااااااامل مع الويه ب 4000 بس !!!! والله اني ماحصلت هالسعر في أي مكان…
أنصحج بالليزر لأن البشرة تتعب من الحف و تترهل لكن بالليزر بتحسين بإن بشرتج صارت ناااااااااااعمة و حلوة … و هالكلام عن تجربة والله …
ما قصروا البنات
ربي يوفقج
تسلمون فديتكم
والله شجعتوني
كنت خايفه !
.
أختي بنت زايد
وين مكانه مركزهم فالعين ؟
ويا ريت لو عندج رقمهم تزوديني به لو فالعين ؟