مرحبا خواتي..
بغيت أفكار لليوم الوطني..
مدرسة اختي بيسوون معرض في المدرسة ولازم الأمهات يشاركون بشي في المعرض لأن وزير التربية بيمرهم.. ويبون يسوون أشغال يدوية أو بطاقات يعني ((تدوير نفايات))
فاللي عندها أي فكرة ما تبخل علي بلييييز..
أبا قبل الأسبوع الياي..
أبي شي ممكن يتنفذ وما يحتاج وقت..
أتريا ردودكم…
نسيت أقولكم إن الوالدة الله يحفظها هي اللي تبا تشارك في المعرض مب أنا 
هي اللي تدور الأفكار عاد لا تبخلون عليها..
هاي الوالده مالي غيرها…..
مادري الفكرة بتعيبج ولا لا
تيبين شيلة وتطبعين ايد ياهل بالالوان وتصبغين داخل الايد علم الامارات
فكرة اوهام … روعه …
إن شالله بفكرلج وبرد عليج …
يا مرحبا
عزيزتي شوفي سوق العرصة في الشارجه شارع السوق القديم مقابل حبيب بنك عندهم اشيا تراثيه روعه ممكن تاخذين سلال صغار جدا كبر الكف واتحطين فيه حلويات للاطفال او مندوس صغير واترتبين فيه ثياب يهال ملونه او ثيبان ومخانق وشفت بعد نماذج صغيرة من الخيام وبيوت الشعر والبارجيل صح ليش ما تسوين مجسمات مناظر قديمة من الامارات ومناظر حديثة لايجاد مقارنة بين العصرين وبالتوفيق الغالية
ما قصرتوا يالغاليات..
فكرة طباعة إيد ياهل عالشيلة حلوة..
بس أنا أبا هالأشياء حق معرض في مدرسة إعدادية مب مدرسة أطفال..
والمعرض الأمهات بيسوونه وبيكون للعرض بس مب للبيع..
مافهمت ..شو قصدج بتدوير نفايات
:
بقولج الفكره على غرار ما فهمت من(( تدوير النفايات ))
تاخذين علب الروب الفارغه وتصفينعا بصينيه على شكل مستطيل كبيير
انزين
اذا تحبين تلونين العلب باللون الابيض او تجلدينها ((الجلاد اللي شكل الرخام الابيض))علشان يكون شكل الشغل نضيف وحلو..
الحين ونيه
طبعا انتي بنصفين علب الروب بالمقلوب يعني القاعده للاعلى
تاخذين ورد بنفس الوان علم الامارات
واذا ما حصلتي ..اخذي ورد لونه ابيض ولونيه بصبغ الرش
وتثبتين الورد المتوسط الحجم على العلب
(((يعني جنج ترسمين علم بس بالورد وعلى الاكواب مب على الورق)))
واذا شفتيها صعبه عليج
استغني عن الورد بالترتر الكبير الحجم
او اي ماده تفضلين استخدامها
لكن من وجهة نظري الورد وايد احلى خصوصا اذا لصقتي على الورد الترتر (الفولك) بنفس الالوان
يعني الورده الحمراء عليها ترتر احمر …………وهكذا
وييييييييه
عيزت
شكلي وايد اهذر
السموحه
وادعي لي