خلااااااااص وداعا للمعجنات

شحالكم ؟
انا اعتزلت المطبخ والمعجنات بشكل مخصووص كرهتها من متى وانا اسوي وما تظبط معاي العجييينه كرهتها ومستحيل ارجع اسوي اي عجيبه يعني انا فاشله فالمعجنات خلاص تعقدت

ما عليه أختي… المفروض أنج كل مرة تجربين لين ما تضبط عندج و ما تستسلمين بسهولة… و كل مرة لما ما تضبط عندج حاولي تكتشفي السبب… اسألي أي وحدة خبيرة في المعجنات يمكن تفيدج…
أنا عن نفسي أسوي حلويات بس مب كل مرة تضبط عندي.. بس عادي كل مرة أحاول و أسوي…
حاولي و حاولي لين ما تضبط.. يمكن سبحان الله بعدين بتصيرين خبيرة فـ صنع المعجنات ^^ *

وعليج السلام ورحمة الله وبركاته

ومسامحه منج ( :

انا شسراتج بس للحين اقاااوم وكل مرة تتحسن احسن قبل .. ^__^

ههههههههههههههههههههههههه

انا لين الحين ما جربت ها الطريقة هههههههه

مشكورين عالردود وقدييتج يا ريماني تعرفين انا استخدم الطحين الكويتي والخميره الفوريه من العلالي او اي خميره فوريه انتي شو تقصدين الخميره ؟ ولكن يوم ادخلها الفرن واطلعها تكون يابسه وما تنتفخ "(

انا عندي لج عجينه حلوة ومستحييييييل ماتظبط عندج
جوفي اول شي هاتي اي كاسه مال ماي يكون حجمها وسط وهي بتكون اقياسج
عقب هاتي من هالكاسه ثلاث كاسات طحين رقم 1 واي نوع استخدمي لان مب مهم
وحطيهن فطاسه كبيرة عشان تعينينهم على راحتج وحطي ملعقه ونص خميرة فوريه
وثلاث ملاعق حليب نيدو (طبعا يكون ناشف) وحطي نص فنيان سكر وملعقتين متروسات بيكنج بودر
وذرة ملح وعقب خلطي النواشف كلها مع بعض وعقب صبي عليهن كاسه ماي من نفس اقياس الكاسه مال الطحين بس بالتدريج وانتي تخلطين بالخاشوقه وتكون حراره الماي عاديه وعقب من نفس الكاسه حطي ربعها زيت وصبي فوق العيين وبعديت خلطي عدل وترسي نص الكاسه ماي وصبي فوقها وتمي خلطي بالخاشوقه لين ماتستوي العجينه تتلصق عقب فري الخاشوقه واشتغلي بالخمس هاتي طحين فمله وتمي رشي عليها واعجني لين ماتصير لج العجينه غااااويه وسهله الاستخدام ومايحتاي تتخمر عادي سيدة اشتغلي فيها وعلى فكرة تنتفخ بالطبخ وانا متاكدة انها بتضبط عندج لان كل حد يسالني عنها وعطيته الوصفه ومن اول مرة تضبط وبس….